Chapter 063
Kinabukasan.
Pagkagising ko pa lang, masaya nang abala si Cris sa pag-aayos ng itinerary namin. Mukha siyang isang batang excited na pupunta sa field trip.
“Sweetheart, bilisan mo magbihis!” sigaw niya mula sa veranda ng hotel room namin. “May pupuntahan tayong special place dito sa Cebu!”
Napairap ako habang nag-aayos ng buhok. “Cris, hindi pa nga ako nag-aalmusal. Baka naman isama mo na naman ako sa kung saan-saan tapos wala tayong dalang pagkain!”
Sumilip siya sa loob ng kwarto at ngumiti. “Huwag kang mag-alala, may baon akong chicharon!”
Napahinto ako. “Chicharon? ‘Yon lang?!”
Natawa siya. “Siyempre hindi lang ‘yon! May plano ako, Merlyn. Basta sumama ka lang, ako ang bahala sa’yo.”
Dahil wala naman akong choice at alam kong hindi titigil si Cris hangga’t hindi niya natutupad ang gusto niya, sumakay na ako sa van na inarkila niya. Habang nasa biyahe, panay ang kwento niya tungkol sa pupuntahan namin.
“Sweetheart, dadalhin kita sa isang napakagandang lugar—magical, roma
