SUMMER POV:
“Sinundan ko siya,” sabi ng asawa ko, nilapitan kami ni Craig habang naglalakad. “Hindi kasi siya nagpaalam sa akin. Kay tatay David lang.” May himig ng pag aalala sa kalmado niyang tinig.
Nagkamay ang dalawa, saka tahimik na naghiwalay.
“Masama ba ang mood mo? May nangyari ba?” Tanong niya sa akin, inaalalayan ako papasok ng sasakyan.
Bumagsak ang luha ko nang maisara niya ang pintuan ng sasakyan. Naaawa ako kay Helga. “Ngayon ko naisip na mahalaga pala ang tracking device. Sana alam ko man lang kung nasaan na siya.” Para akong mababaliw sa pag aalala dahil hindi dapat nagkalayo sina Lola Maria at Helga. Nasa mga huling araw na ang lola niya at kung walang matinong mag aalaga, baka mas madaling mamatay ang matanda.
Ano ang gagawin ko?
“Matapang si Helga, sweetheart. At matalino. Kahit saan siya makarating, magiging okay lang siya.”
“Tingin mo?” Nakatingala ako sa kanya. Alam ko naman yon pero kailangan ko talagang marinig. Matiyak. Sa dami ng pagkakataong iniligtas, bina
