Dumating si Luke mula sa opisina. Halatang pagod, may bahid ng alikabok ang manggas ng kanyang puting long sleeves at bahagyang lukot ang kanyang kuwelyo. Binuksan niya ang pinto, at sa unang hakbang pa lang ay tinawag na niya ang pangalan ng kanyang asawa.
“Mahal?” mahina ngunit buo ang kanyang tinig habang sinisilip ang kabuuan ng sala.
Naroon si Belle, nakaupo sa sofa, tahimik, hawak-hawak pa rin ang lumang larawan nila ni Ana. Napalingon siya sa tinig ng asawa at agad na ngumiti nang pilit.
“Andiyan ka na pala,” wika niya, pilit na itinatago ang bigat ng damdamin sa kanyang boses.
Lumapit si Luke at naupo sa tabi niya. Napansin agad ang pagkabog ng dibdib ng asawa, ang pamumugto ng mga mata nito, at ang mahigpit na pagkakahawak sa larawan.
“Anong nangyari, Belle? May balita na ba?”
Tahimik muna si Belle, saka maingat na ipinatong ang larawan sa lamesita sa harap nila. Hinawakan niya ang kamay ni Luke.
“Tinawagan ko na ang investigator. Sinimulan na nila ang paghahanap. May mga dok
