"HELLO PO, MA'AM Amanda! Si Ser Theo po ba ang hinahanap niyo? Naku, buti na lang po bumalik na kayo!" salubong agad ng katulong kay Amanda pagkatapak na pagkatapak niya sa mansion.
Bahagyang napangiwi si Amanda sa katulong. Dahil wala pa naman sa isip niya ang bumalik dito. Makikipaghiwalay na nga siya kay Theo, eh. Pero hindi naman niya kailangang iexplain pa iyon sa katulong dahil iba naman ang pakay niya ngayon.
"Oo, si Theo ang hanap ko," simpleng sabi na lang ni Amanda na may maliit na ngiti sa labi.
"Nasa taas po siya. Pwede niyo po siyang puntahan ngayon. Ah, magdadagdag na lang kami ng para sa dinner ngayon para sa inyo, Ma'am. Dito naman kayo kakain, 'di ba?" tanong ng katulong.
"Hindi na kailangan pero kayo ang bahala."
Tumango lang ang katulong. Umakyat na rin sa taas si Amanda habang karga pa rin ang asong si Shishi. Nang narating ang pintuan ng kwarto ay agad siyang kumatok.
"Come in," ani Theo mula sa loob ng kwarto.
Binuksan ni Amanda ang pintuan at bumungad sa kaniya
