Para sa bayad ng celphone dapat itong mga gulay pero nilako ko na lang. Mabilis ko din namang napaubos dahil ilang araw din akong hindi nakapagtinda dahil sa paglilinis at laba ko sa mansyon. Hindi pa tapos ang trabaho ko sa mansyon dahil bukas babalik pa ulit ako.
Malungkot akong umuwi sa aming bahay. Nadatnan ko si Nanay na naglalaba ng aming mga damit.
"Magaling ka na ba, 'Nay?"
"Oo, Anak. Maayos na ako."
Pinilit niyang ngumiti upang ipakita sa akin na maayos na siya pero ang totoo alam kong nanghihina pa siya.
"Kailan ka magpapa-check up, 'Nay?"
"Subukan ko bukas, Anak."
"Samahan na po kita bukas, para siguradong makapagpa-check up ka."
Mas maganda pa din na matingnan siya. Para masiguro na okay lang sila ng kapatid ko.
Pumasok na ako sa loob upang makapagpalit ng damit. Tiningnan ko din ang binigay nina Sir Angus sa akin kanina. Andito iyong celphone. May mga sabon na panligo, shampoo at maliliit na tsokolate at kung ano-ano pa rito. Mukhang mga galing pa ito sa ibang bansa
