Nakarating na ako dito para magpa-load tapos uuwi ako agad nang hindi man lang nakikita si Sir Angus?
Huminga ako nang malalim bago ako nagsimulang maglakad papunta sa mansyon. Sampung hakbang hanggang sa umabot ng singkwenta. Sa labas ng mansyon ay nakikita ko ang bulto ng isang lalake. Medyo madilim sa gawing iyon kaya hindi ko kita ang mukha, pero natitiyak kong si Sir Angus iyon.
Pawisan na ako. Kahit gabi na nakarating talaga ako dito, samantalang takot na takot akong maglakad kapag gabi na.
Mabuti na lang at may dala akong face towel. Pinunasan ko ang aking mukha at leeg. Sinuklay ko din ang dulo ng aking buhok gamit ang aking mga daliri.
Tumayo ako may ilang dipa ang layo kay Sir Angus. Nginitian ko siya kahit wala man lang kangiti-ngiti ang mga labi niya. Taimtim siyang nakatingin sa akin. At pagkatapos ng ilang sandali ay ngumisi siya.
"Ikaw lang?"
Pumalatak siya.
"Let's get inside." Hinawakan niya ang braso ko saka ako marahang hinila. Binuksan niya ang gate. Hawak niy
