Mainit ang sikat ng araw, masaya ang himig sa bahay nina Alexis at Ralph. Si Ayesha ay busy sa pagdudugtong ng mga colorful blocks habang si Alexis ay may hawak na positive pregnancy test sa banyo — nanginginig ang kamay, nangingilid ang luha.
Hindi niya alam kung dapat bang matakot o matuwa.
Nitong mga nakaraang linggo, madalas siyang makaramdam ng hilo, pagod, at pananakit ng katawan — inakalang dahil lang sa pag-aalaga kay Ayesha at sa stress ng bagong mga projects. Pero ngayon, malinaw ang sagot.
May bagong buhay sa loob niya.
Isang maliit na nilalang na bunga ng pagmamahalan nila ni Ralph. Ngunit kasama ng saya, may kaba. May takot.
Kaya nang makauwi si Ralph galing sa korte, agad niya itong hinarap. “Love… may gusto akong sabihin.”
Tumingin si Ralph sa mga mata niya, agad na nabasa ang emosyon. Tahimik siyang lumapit, hawak ang balikat ni Alexis. “Buntis ka?”
Dahan dahang tumango lang si Alexis, at sa isang iglap, niyakap siya ni Ralph nang mahigpit. “This is amazing. Thank you
