UMILING LANG SA kanya si Briel habang mahigpit ang hawak sa kamay ng kanyang anak. Natitibag na ang puso niya na para bang gusto na lang mag-stay, kaso hindi niya magawang suwayin ang isipan niyang bulong nang bulong na kailangan niyang gawin ang bagay na iyon. Hindi siya pwedeng magpatibag. Sa katunayan noon ay nagdadalawa rin siya ng isip kung aalis ba ng bansa o hindi. Naninimbang din siya sa sitwasyon. Tinitingnan ang magiging pagkakataon kung muli niyang susundin ang kanyang puso sa pagkakataong iyon. Nabanggit sa kanya ng hipag na sa araw na iyon umano ang press-conference ni Giovanni at umaasa siyang maaayos na nito ang lahat at pagkatapos ay babalik na sila sa dati. Ngunit dahil sa tampong kanyang nararamdaman na hindi naman siya tinawagan ng Gobernador upang i-inform ng plano niya, sa loob niya ay gugustuhin niya pa rin umalis ng bansa. Gusto niyang ipakita dito na hindi niya kailangan ang Gobernador na walang isang salita. Batid niyang hindi maglalaon ay malalaman nito ang g
