"Hashana . . . "
May pagkahabag na binalingan ni Cathy ang kaibigan.
Pangatlong araw na ito sa lamay ni Rheo. Maraming tao ang nakikisimpatya at halos mapuno ang bahay ng mga Auxilio sa dami ng tao. Nagkakalat din sa paligid ang mga bantay na naging dahilan kung bakit hindi sila makapasok sa loob.
"I think we need to go. Kanina pa tayo dito." Imporma ni Cathy, minamasahe ang paa dahil kanina pa iyon nangangalay.
Ang totoo niyan, mahigit tatlong oras na silang nakatayo sa labas. Sa loob ng tatlong araw ay iyon ang ginagawa nila para lang makiramay sa nangyari sa lalaki.
Akala nga niya ay makakapasok sila sa loob subalit hinarangan sila ng guard nung nagtangka silang pumasok sa bahay.
Nakita ni Cathy kung paano nasaktan si Hashana nang sabihin ng guards na hindi puwede ang dalaga sa loob. Mahigpit daw iyong inihabilin ni Rhesa na huwag itong papasukin.
Gusto niyang sumugod para magreklamo ngunit sadyang mabait ang kaibigan niya. Kaya ngayon, matiyaga silang nagmamasid sa labas kah
