Dagling naangat ni Hashana ang paningin nang tumayo si Clifton.
"Umalis ka na." Seryoso nitong sabi.
Napatiim bagang ang dalaga, doon lang napansin ang pagbaba ng katawan ni Clifton. Kung ihahambing sa dati nitong pustura, medyo pumayat ang ginoo. Hindi ba ito kumakain? Nakakapagtaka sapagkat ilang araw pa nga lang ito sa kulungan ngunit ganun na ang ikinabagsak sa katawan nito.
May pang-uusig niyang tinitigan ito saka dinampot ang handbag sa mesa. Tinalikuran niya ang tahimik na lalaki at nagpara ng taxi para makauwi sa bahay ni Cathy. Wala na doon ang mga magulang niya. Bumalik na ang mga ito sa Santa Rosa sapagkat inihabilin lang si Jelrex sa kapitbahay nang malaman ang nangyari sa kanya.
Ilang araw ang dumaan hanggang dumating ang nakatakdang libing ni Rheo. Gaya ng dati ay nasa malayo lang sila pagka't bantay sarado ang paligid sa mga body guards. Ni hindi magawang masilayan ni Hashana ang mukha ng kasintahan sa huli nitong hantungan.
Masikip ang dibdib niya habang hindi ina
