KAHIT nanghihina ay pinipilit ni Nica imulat ang mga mata at inaaninag ang paligid. Gusto niyang saktan ang sarili at nahulog na naman siya sa patibong ng kalaban. Hindi niya akalain na kasabwat ni Philip ang isa sa tinuturing niyang matinong kaibigan. Hindi siya nagdalawang isip na damayan ito kanina nang tumawag. Sobrang lungkot nito at umiiyak pa kaya pinuntahan niya kung saan ito umiinum mag-isa.
Ang hindi alam ni Nica ay naroon din si Philip. Huli na para umalis dahil may pinainum sa kaniya si Xtine na siyang sanhi ng panghihina niya. Hindi niya magawang manlaban nang buhatin siya ni Philip at isakay sa sasakyan nito.
Kulang na lang ay bumuga ng apoy ang mga mata ni Chris pagkakita kay Philip at nakayakap ang isang braso nito sa beywang ng asawa.
"Hey, Bro! Huwag ka ng magalit at ilang oras ko lang naman hiniram ang asawa mo." Mala-demonyong ngiti ang nakapaskil sa labi ni Philip nang magharap na silang dalawa.
Kinalma muna ni Chris ang sarili at nag
