TINAWAGAN ni Chris ang kilalang doctor at humingi ng payo kung ano ang dapat i-painom sa asawa.
"Libre ako ngayon, kung gusto mo ay pupunta ako diyan para personal na makita ang kalagayan niya. Kailangan mo rin ipasuri kung anong klaseng gamot ang naihalo sa kaniyang inumin."
"Salamat, Doc! Hintayin po kita." Ibinigay ni Chris ang adress sa mangagamot. Bago bumalik sa tabi ni Nica ay muli siyang nag-dial ng numero sa cellphone.
"Pasensya na kung hindi agad kita nakontak kanina." Bungad ni Larry nang masagot ang tawag ng kaibigan.
Bumalik ang pakiramdam ni Chris na gusto niyang suntukin muli si Philip nang marinig ang kwento ni Larry. Ayon dito ay nagulat lang din ito nang biglang tumigil ang sasakyan ni Nica at nag-iba ng daang tinahak.
"Ikaw na ang bahala sa babaeng kinasabwat ng hayop na iyon. Make sure na mapakanta mo siya." Mahigpit na bilin ni Chris kay Larry.
"Ako na ang bahala sa kaniya, ang pinsan ko pala ay nakontak ko n
