"GOODMORNING!" Masiglang bati ni Chrismith sa bagong gising na asawa. Kakagising lang nito pero siya ay tapos na maligo at bihis na rin ng pang-opisinang kasuutan.
Ngumiti si Nica sa asawa habang ang mga mata ay nakatingin sa nakabukas nitong butones sa bandang dibdib. Pakiramdam niya ay bigla siyang ginutom sa nakikitang ka pogian nito. Lalo siyang napangiti nang maalala na siya ang pumili ng long sleeve nitong suot ngayon.
Sumilay ang simpatikong ngiti sa labi ni Chris nang mapansin ang kakaibang ngiti ng dalaga. Pagkasuot ng relong pambisig ay lumapit siya dito at mabilis na ginawaran ng mabilis na halik sa labi ito. "Breakfast is ready."
Napakagat ng labi si Nica nang tumalikod ang binata. Ang bango nito at ang presko pagmasdan. Mukhang nadagdagan ang kapogian nito sa kaniyang paningin. Dali-dali siyang bumaba ng kama at dumiritso ng bathroom upang maghilamos at sipilyo. Naipagpasalamat na lamang niyang walang amoy ang kaniyang hininga kapag bago
