07

Agad akong tumalikod. Narinig ko rin ang mga yabag niya palayo. Feeling ko papunta na siya sa walk in closet niya saka ko narinig ang pag sarado ng sliding door niya sa closet.

Napabuga ako ng hangin at sinabit sa rack niya ang coat niya. Tsaka ko nilapag ang mga paperbags. Sakto nun ay ang paglabas niya. Naka grey sweatpants siya at grey na V-neck shirt. Ang tanging suot niya ay ng silver necklace na walang pendant.

"Sir, ayaw ko na pong tanggapin ito." Kahit na gustong gusto ko ang pinamili niya, pati ang phone tsaka iPad. Minabuti ko nalang I sakripisyo ang luho ko kesa sa magutom ang pamilya ko.

"You're not gonna take that back, I have decided. And that's final." Iyon ang sinabi niya. Napatulo ang luha ko pero agad akong napatalikod at pinunasan narin.

Humarap ulit ako sa kanya ng may ngiti sa labi. Inu unti-unti kong tanggapin na matigas talaga ang puso niya at wala akong magagawa. Ang tanging nasa isip ko ay gumawa nalang ng sarili kong paraan para kumita.

"Okay sir, sa baba lang ako kung may kailangan po kayo." Sabi ko at tinalikuran na siya. Pagkababa ko nagchi-chismisan ang mga kasambahay, hindi naman ako malupit sa kanila dahil ka level ko rin naman sila at kahit na mas mababa pa sila sakin, ayaw ko magmataas.

Pumunta muna ako sa maid's quarter at umupo para ikalma ang sarili ko. Wala masyadong nangyari noong araw na iyon.

Naging maayos ang daloy ng hapon ko. Pinagawan ako ng email ni Sir para kung sakaling may gustong makipag-meeting, sa akin nalang sila ko-contact. Isa lamang ang I me-meet namin bukas, at umuo na si Sir na nakikipag meeting.

Sabay kong umuwi si Tatay. Ganoon padin ang suot ko, kaya tinititigan niya ako.

"Ano ba Tay? Panget ba?" Nakasimangot kong tanong sa kanya habang sabay turo sa damit ko. Nilugay ko nalang ang mahaba kong buhok.

"Napakaganda mo anak, nagmana ka talaga saiyong Nanay." Sabi ni Tatay kaya dahil don napanguso ako.

"Tatay naman e, bolero." Sabi ko pa tsaka nagtuloy na kami sa paglalakad.

Pinagtitinginan ako ng mga tao, hello! Sino ba namang tao ang nakatira sa Isla tapos ganito ang suot! Okay na sana kung beach dress!

Pagkapasok namin ni Nanay. Nagulat siya ng makita ako.

"Bakit...Ang ganda ganda mo ngayon anak?" Aniya at nilahad ang kamay para makapagmano ako.

Hindi niya lang alam na sa ganda kong to e wala akong pera! Na modus ako ni Sir don! Huhu!

"Personal assistant na po ako ni Sir Thomas."sagot ko at nilapag ang gamit ko. Tinignan naman ni Nanay ang mga damit sa paperbags.

"Iyong anak ng boss mo ba anak?" Tanong nito sakin at inayos na muli ang gamit ko.

"Opo nay." Sagot ko naman at pinasok muna sa kwarto ang mga gamit.

"Okay lang ba siyang amo? Sabihin mo lang kung hindi anak, wag kang mag dalawang isip na umalis ha." Aniya. Kung pwede nga lang Nay, e pano kayo?

"Nako nay, mabait po siya." Sabi ko naman kahit na labag iyon sa loob ko, pero sinabi ko parin. Napatikhim si Tatay at makahulugan akong tinignan binigyan ko lang siya ng ngiti.

"Mabuti naman, at parang alagang alaga ka nga. Ang gaganda ng iyong mga damit." Dagdag niya naman at nilagay na sa hapag ang hinanda niyang pagkain.

"Oo nga ho nay." Sagot ko naman. Umupo na si Nanay at nagdasal narin kami.

"Siya nga pala anak, ito iyong kita sa lahat ng isda na nakuha mo kanina." Sabi ni nanay at inabot sakin ang pera.

"Nako nay, sainyo na muna iyan. Tulong ko sa gastusin." Ani ko at tinulak pabalik sa kanya ang pera.

"Kunin mo na." Si Tatay na ang naglahad sakin. Nararamdam kong may alam siya sa nangyayari sakin. Wala na akong magawa kundi ang kunin nalang iyon.

Matapos naming kumain, nag kwentuhan muna sila saglit. Naisipan kong kunin ang Phone ko. Pinakita ko iyon kela Nanay at talagang namangha sila. Nag picture pa kami at ginawa ko iyong wallpaper ko. Pa tawa-tawa pa kami habang nagkukuha ng litrato.

Ilang sandali lang dinalaw na ako ng antok, nagpaalam na ako at nauna sa kwarto ko. Kinuha ko ang pera at hinati iyon para sa tag iisang box. Binudget ko lahat para pag nagka emergency may mahuhulbot kami.

Nagulat ako ng pumasok si Tatay sa kwarto ko. Tinignan niya ang ginawa ko at sunod niyang tinignan ang paperbags tsaka gadgets.

"Alam ko ang nangyari." Panimula niya palang ay kinakabahan na ako.

"Wala kang sahod ngayong buwan.." Dagdag niya.

"Pwede kang umalis nalang anak, kaya ko naman kayong buhayin kahit mag-isa lang ako." Nalulungkot niyang sabi. Napatingin ako sa kanya ng diretso.

"Okay lang ako Tay, hayaan niyo po at wala naman talagang madaling trabaho." Sagot ko. Pero napailing iling lang si Tatay.

"Ayaw ko ng nahihirapan ka, anak." Parang nagmamakaawa na ang tinig niya. Nagmamakaawa na umalis nalang ako sa mansyon at hayaan siyang maghirap sa trabaho.

"Ayaw ko rin ng nahihirapan ka Tay." Sagot ko sa kanya.

"Pero ana—

"Tay. hanggang kaya, Kakayanin." Sagot ko ng may ngiti sa labi. Niyakap ako ni Tatay, at dahil doon nawala ang pagod ko.

Kinamusta niya pa ako bago nagpaalam saakin. Nakatulog ako agad dahil sa pagod.

Kinabukasan, syempre nangisda ulit ako. Kasama parin sila Manong Bitoy at Manong Jon. Nagkasalisi na kami nila Miko. Maaga daw silang natapos dahil may inasikaso ang ama niya.

Umuwi na ako para maligo at maghanda papunta sa mansyon.

Sinuot ko ang skirt na pink at coat rin na pink na panloob ay puti. Nakasandals rin akong Puti. Nilugay ko muna ang buhok ko dahil medyo basa pa iyon.

"Kagwapa sa kong anak oy!" Sabi ni Nanay ng makalabas ako ng kwarto. Napangiti rin si Tatay habang pinagmamasdan ako.

"Naliwat gud nimo nay." Sagot ko naman at nagpaalam na kami ni Tatay. Pinagtitinginan ako ng taong nadadaanan namin. Panay naman ang ngiti ko sa tuwing bumabati sila sa akin. Para akong tumakbo bilang Mayor!

Dumating na kami ni Tatay sa mansyon. Kaya naman, nagmadali na rin akong pumasok. Wala akong naabutang Sir sa sala kaya naman, dumiretso na ako sa itaas.

Kahapon pala ay napag-usapan na namin na si Bambam ang papalit saking pwesto, dahil ekslusibo lamang daw ako para Kay Sir Thomas. Matatawag ko sanang special ako pero pag ganito ang amo, aba'y hindi ko talaga alam kong special pa.

Kumatok muna ako bago ako pumasok ng marinig ko ang tawag niya. Pagkapasok ko nasa kama pa siya, nakaupo at may laptop sa gilid habang ang buhok ay magulo at naka glasses siya.

"What's my schedule for today?" Tanong niya at tinignan ako. Binuksan ko naman agad ang iPad para tignan ang schedule niya.

"May meeting po kayo with Mr. Velasco sa umagang to, alas nuebe po ng umaga. Sa Velasco resort ho gaganapin ang nasabing meeting. Pagkatapos naman po nun ay mag che-check po tayo sa mga restobars niyo and other resorts." Tugon ko at tinignan na siya.

Nakita kong tumingin lang siya sakin. Walang ekpresyon ang mukha niya. Akala ko babawiin niya agad ang tingin. Pero talagang nakatitig siya sakin. Kaya kinawaykaway ko kamay ko.

"Sir Thomas!" Tawag ko sa kanya kaya agad siyang napabalikwas at biglang tumayo sa higaan niya.

"Okay." Iyon lang ang sabi niya tapos dumiretso na sa banyo. Napailing iling nalang ako. Anong problema nun? Hay.

Tinali ko muna ang mahaba kong buhok bago ko nilinis ang kwarto niya.