09

Inis akong umahon sa pool at hinubad ang coat ko pati sandals. Bwesit na Sir! Nako! Kung hindi lang ako nakapagtiis, binulyawan ko na iyon.

Nakita siguro ni Ochi, ng kasamahan ko ang nangyari kaya inabutan niya ako ng towel.

"Thank you, Ochi." Pagpapasalamat ko. Napailing iling nalang siya.

"Napakasama ng amo mo." Aniya. Napakasama talaga! Saksakan ng sama! Pogi nga masama naman!

"Sinabi mo pa." Sabi ko tapos pumasok na sa maid's quarter. Suot ko ulit ang uniporme ko dati nung kay Sir Timoteo pa ako nag ta-trabaho.

Pagkatapos mag bihis. Nilugay ko lang ulit ang buhok ko dahil nga medyo basa pa ito. Pinuntahan ko si Sir sa kwarto niya para ipaalam ang email na sinend sakin.

Bumuga pa ako ng hangin bago kumatok. Narinig ko namang sabi niya na pumasok. Syempre ako, dumistansya agad. Baka saan niya pa ako matulak dito. Kainis.

"Sir may nagsend ho ng email. Makikipag-meeting daw po sa inyo. Si Mr. And Mrs. Tamoroso." Sabi ko at binalingan siya. Di man lang sa nakatingin sakin. E ano bang pake ko!? Hulog ko siya sa pool e!

"Cancel that one." Yun lang ang sabi niya at pumunta na sa veranda ng kwarto niya.

Lumabas nalang ako, baka sa susunod sa veranda niya na ako mahulog. Maayos na ang hapon ko, natulungan ko pa ang ibang kasambahay mag linis. Kaya pagkatapos ko dun ay umuwi na kami.

Walang masyadong nangyari nung gabing yun. Pero ang mga titig ni tatay, alam kong may alam siya na nahulog ako sa pool. Hinulog ako ng siraulo kong amo!

Kinabukasan, maaga akong nagising. Syempre para mangisda. Nagkasalubong kami ni Miko, kaya imbes na ila Manong Bitoy ako makisabay. Kela Miko nalang ako sumakay.

"Ang big-time ng boss mo no?" Aniya ng naglalakbay na kami sa dagat.

"Sino bang boss ang hindi big-time." Sagot ko naman at hinagis na ang lambat ko.

"Siguradong malaki ang sahod nun sayo, wag ka nalang mangisda." Suhestiyon niya. Nako kung alam niya lang gano ka laki! Malaking malaki talaga! Ngayon ngang buwan e wala akong sahod dahil sa laki!

"Nako! Sobraaaaaaaaaaaaaang." Mahaba pa kunwareng sabi ko tsaka napataas ang kilay niya.

"Laki, wala na nga akong sahod ngayong buwan." Dagdag ko na ikinagulat niya. Napailing iling pa siya.

"Wala kang sweldo!? Bakit naman!? Anong gusto mo!? Upakan ko yun! Juniboy! May aabangan tayo mama—

"Huy! Ano ba! Okay lang may kapalit naman iyong isang buwan na walang sahod. Doncha worry Miko!"  Sabi ko. Tinawag pa naman si Jun para resbakan si Sir Thomas. Mga ulol talaga.

Pagkatapos namin mangisda, kalahati lang ng timba ang nakuha ko. Pero sapat na iyon para ibili nila nanay ng pagkain.

Hinatid ako ni Miko sa bahay. Inalok niya pa ako ng isda. Para daw mapadami ang akin ang marami kaming kita.

"Nako, wag na oy!" Sabi ko at hindi tinanggap ang ibinigay niyang siguro mga isang kilong isda na iyon.

"Sayang, ang ganda pa naman ng isda na ito." Turo niya sa preskong isdang Bangus. Malaki nga ito, at sobrang sariwa pa dahil kakakuha lang namin sa dagat.

"Teka may naisip ako." Pinahintay ko siya sa labas para kunin ang phone ko.

"Picture tayo!" Sabi ko at sinenyas sa kanyang magpicture kami kasama ang Bangus.

Umuo naman siya. Puro kabaliwan ang pictures namin. Nag picture lang kami para remembrance sa Bangus na nahuli niya. Bakit ba! Trip ko lang! At ngayon lang din ako nag ka cellphone.

May pinili pa akong picture dun na ang laki ng ngiti namin pareho tapos sa gitna namin ay ang hawak niyang malaking Bangus.

"Ang ganda." Aniya.

"Ay syempre, ako ba naman kasama mo sa iisang litrato." Sabi ko pa at napangisi.

"Ng Bangus kasi Kley! Ng Bangus!" Inulit pa talaga.

Nag-asaran pa kami bago ko napagpasyahan na maligo na ako baka mahuli pa ako sa trabaho. Sabay parin kami ni Tatay, papunta sa trabaho. Napansin kong medyo matamlay siya.

"Tay, may sakit ba kayo?" Tanong ko at kinapa pa ang noo niya.

"Wala anak, pagod lang." Sagot niya naman.

"Lumiban ka na muna tay at magpahinga nalang." Tugon ko pero nagmatigas si Tatay.

"Nako anak, pagod lang ito. Ganito naman talaga ang buhay." Aniya.

"Pero tay—

"Sige na anak at baka mahuli ka pa sa trabaho mo." Putol niya sakin. Wala akong nagawa kundi ang sumunod nalang sa kanya. Pumasok na ako sa mansyon. Maaga kong naabutan si Sir Thomas sa Sala na nagkakape.

Wala naman siyang schedule ngayon dahil nga kinansela niya lahat. Naka puting t-shirt lang si at itim na sweatpants. Suot niya na ang glasses niya. Sa harap niya ay ang laptop at ibang papeles.

Tumayo lang ako sa gilid na medyo malayo sa kanya baka matulak ako. May phobia na akong lumapit sa kanya. Bahala siya diyan!

Nakatayo lang ako at naghihintay ng utos niya. Mag iisang oras na akong nakatayo. Sanay naman rin akong ganito.

Ilang saglit lang tumayo na siya at kinuha ang laptop niya. Ako na ang nagligpit ng mga papeles at inipon iyon sa folder niya bago sumunod sa kwarto niya. Inilapag ko iyon sa mesa niya. Siya naman ay iniligpit ang laptop niya.

"Pakilinis." Tugon niya at iniwan ako sa kwarto.

Ngayon ko lang sinuyod ng tingin ang kwarto niya. Mas makalat na iyon, kesa sa dati. Ano ba to!? Parang pinaparusahan niya ako!

Parang hindi pa humuhupa ang galit niya simula nung unang araw pa kaming nagkita. Grabe naman pala mag higanti ang isang Thomas Jon Castillo! Ang lupet!

"Ano ba to." Sabi ko at nakita ang nagkalat na chips sa kwarto niya. Pati pa sa ilalim ng kama niya. Ano ba tong isang to, parang batang kumain.

Sa veranda niya, ay may mga bote pa ng mga inumin. Naglasing siguro siya kagabi. Alangan naman binuhusan niya ang halaman ng beer? Hmp.

Hinubad ko muna ang coat ko at nilagay iyon sa rack niya. Sando nalang at skirt ang suot ko. Tsaka minessy bun nag buhok ko. Hindi ko sinasadyang i messy bun talaga. Tamad lang ako i bun ng maayos.

Pinulot ko na ang mga kalat. Habang pumupulot ng mga kalat, biglang may pumasok. Hinarap ko parin siya habang nakayuko.

"Yes sir?" Tanong ko. Nanglaki ang mga mata niya pero agad tinaas ang kaliwang kilay. Nagtaka naman ako, na realize ko kung an ang posisyon ko.

Agad akong umayos ng tayo at tinakpan ang dibdiban ko! Shit! Maria Kleian ang tanga mo! Nakayuko ako, siguradong may nakita siya! Waaaaaaah!

Agad ko rin hablot sa rack ang coat ko.

"Dalian mo diyan." Utos niya at tinalikuran ako. Napaupo ako. Shit! Omayghad! Bakit ba ang careless ko! Tanga ka talaga Kleian! Malamang papasok siya dito kasi kwarto niya ito!

Natapos ko ng maayos ang trabaho ko. Wala akong sulok na pinalampas. Mabuti nalang at hindi na siya pumasok ulit. Natapos na ako at tinali na ng maayos ang buhok ko bago sinuot ulit ang coat. Buti nalang centralized aircon ang bahay nila, kaya hindi ako masyadong pinawisan.

Lumabas na ako, at yun din ang pagpasok ni Sir. Pumunta muna ako sa baba para uminom ng tubig. Nakakahingal. Tsaka hindi pa rin mawala sa isip ko ang nangyari.

May nakita ba siya?! Kung meron!? Pano yun!? Wag naman sana!? Sana maka move-on siya agad sa nakita niya! Ha!? Ano ba pinagsasabi ko!?

Tinawag ako ni Ochi, dahil pinatawag daw ako ni Sir Thomas. Agad naman ang pumanhik. Syempre kumatok muna ako. Pagkapasok ko, hindi ko inaasahang madudulas ako!

Shit!? Ano to!? Hinawakan ko at napansing mantika!? Bakit may mantika!? Nagluto ba siya sa sahig!? Ang sakit!!!

"The oil was spilled." Sabi niya.

Maingat naman akong tumayo ulit. Feeling ko sumabog ang pwet ko at lahat ng laman niyon pumunta sa tiyan ko! Ang sakit! Napiang ko ma! Tabang!

"Lilinisin ko na po." Sabi ko at kinuha ang pamunas ng sahig. Nasa laptop niya lang ang tingin kaya malaya akong titigan siya ng masama.

Pagkatapos kong linisan bumaba na ako para linisin ang sarili ko. Pumunta na ako sa banyo ng maid's quarter.

Basa na ito kaya naman nagbihis nalang ako. Pagkatapos nag hugas ng kamay. Tinignan ko ang cellphone ko at saktong nakita ang pangalan niya!

"NAKAKAINIS KA!" Inis na sigaw ko sa banyo!