INILIPAT ko ang paningin sa talon. "Oo."
Naglakad na ako ngunit napahinto nang hawakan niya ang braso ko.
"Ikaw talaga ang pakay ko sa lugar na ito, nakita ko ang alaga mong ibon at itinuro niya kung nasaan ka," aniya. Seryoso na ngayong nakatingin sa akin.
Gusto kong pabulaanan ang sinabi niya dahil itinanggi iyon ni Vivi kanina ngunit nangunot lamang ang noo ko sa pagtataka.
"Bakit mo naman ako hahanapin, Ginoo?" Napahinto ako nang mapagtanto ang kaniyang pakay. "Nais mo pa rin akong hulihin dahil sa pagnanakaw ko sa maharlikang iyon?" namamangha kong tanong.
Lalong sumeryoso ang mukha niya, inalis ang pagkakahawak sa braso ko. "Hindi kita hinahanap dahil sa kasalanan mo sa ginoong iyon kundi dahil sa kasalanan mo sa akin, Binibini," mariing aniya.
Naningkit ang mata ko. "Wala akong maalalang may kasalanan ako sa iyo, Ginoo."
Agad siyang napangisi, tila may naalala. "Hayaan mong ipaalala ko sa iyo ang pagnanakaw mo ng halik." Mabilis niya akong hinawakan sa magkabilang braso upang maiharap sa kaniya. Nanlaki ang mata ko at nabitawan ang hawak na balabal nang dumampi ang malambot niyang labi sa akin.
Sinasabi ng isip ko na itulak ko siya palayo ngunit ayaw sumang-ayon ng aking katawan. Napako lamang ako sa aking kinatatayuan, muli ay mabilis na kumalabog ang puso ko, at nasisiguro kong hindi ito dahil sa kaba.
Pumikit siya at marahang iginalaw ang kaniyang labi na halos magpabaliw sa akin, kakaiba. Naipikit ko rin ang mga mata ko at sinabayan ang galaw ng labi niya. Ngayon ay hindi ako naniniwalang ang pagnanakaw ko ng halik sa kaniya ang una niyang halik.
Naging matagal ang halik na iyon, tila mauubusan ako ng hininga. Idinilat ko lamang ang mata ko nang maramdaman kong humiwalay na siya sa akin. Hinihingal kong pinagmasdan ang labi niya, sadyang kay tamis.
"Anong ginawa mo?" mahina kong wika, tila ngayon lamang nakaramdam ng hiya. Bakit ako sumang-ayon sa halik na iyon? Gusto kong mainis sa aking sarili ngunit wala naman akong maramdaman na pagsisisi, tila gustong-gusto ko pa nga iyon.
"Tatlong gabi akong hindi pinatulog ng iyong halik, Binibini. Tatlong araw din kitang hinanap, sa wakas ay natagpuan din kita." seryosong aniya. "Simula ngayon ay pag-aari ko na iyong labi."
"Ano?" gulat kong wika. Tila hindi naintindihan ang mga sinabi niya, tatlong araw. Tatlong araw na mula nang una kaming magkita.
"Hindi ka na maaaring magnakaw ng halik sa iba dahil ako lang dapat ang ninanakawan mo. Handang-handa akong isuko ang aking labi sa iyo, aking magandang binibini." Ngumisi siya nang makita ang gulat ko sa mga sinasabi niya, inipit niya sa likod ng aking tainga ang nakakalat na hibla ng buhok ko.
Tinapik ko palayo sa akin ang kamay niya nang matauhan sa lahat ng ito. Hindi maaari. Hindi ka maaaring mahibang, Aliara!
"Nahihibang ka na ba?" hindi makapaniwala kong wika. "Hindi mo maaaring basta na lamang ariin ang labi ng iba. Ganyan ka ba sa mga binibining nakikilala mo?" Bahagyang umusbong ang galit ko.
Kumunot ang noo niya, tila hindi nagustuhan ang sinabi ko. "Ikaw lamang ang binibining nakatikim ng aking halik."
Umawang ang labi ko. "Ano? Ibig mong sabihin ay ako ang iyong unang halik, Ginoo?" gulat kong tanong.
"Ganon na nga, kaya mapalad ka," nagmamalaking aniya, mababakasan na ngayon ng ngiti sa labi.
Umismid ako. "Hindi kapani-paniwala," nakangisi kong wika, ibinaling ang paningin sa talon.
Ano ba ang ginagawa mo, Aliara? Bakit tila nagpapalinlang ka sa matamis na salita ng ginoong iyan? Makisig lamang siya at matamis humalik kaya huwag kang maniniwala! Isa pa ay isa pa rin siyang estranghero!
"Hindi ako nagsisinungaling. Hindi ka ba nagtataka na natulala ako noong gawin mo iyon sa akin? Sinigurado mo talagang hindi na kita hahabulin kaya iyon ang ginawa mo," nanliliit ang mata niyang wika.
Tumaas ang kilay ko, muling inalala ang reaksyon niya sa paghalik ko sa kaniya. Sandali. Bakit ba parang sanay na sanay siyang pinag-uusapan ang halik? Para bang gawain niya iyon, ang manghalik nang kung sino.
"Hindi ko malilimutan ang halik na iyon mula sa isang napakagandang binibini," aniyang muli.
"Ano ang iyong ngalan?" tanong ko. Hindi kapani-paniwalang dalawang beses ko nang natikman ang labi niya ngunit hindi ko pa rin alam ang kaniyang pangalan.
"Sevasti."
Tumango-tango ako. "Sevasti, kay gandang pangalan," nakangiti kong wika. "Aliara naman ang aking ngalan."
Pinagmasdan niya ang aking mukha. "Aliara, ang aking magandang binibini," nakangiti niyang wika. Muli akong napatitig sa kaniya.
Napakaganda ng kaniyang ngiti, idagdag pa ang nakikita kong kislap sa mga mata niya. Sa lahat ng nilalang na nagsabi sa akin na isa akong magandang binibini ay sa kaniya ang pinakamasarap pakinggan.
Hindi ko alam kung ano itong nararamdaman ko ngayon, halos marinig ko na ang malakas na tibok ng puso ko.
Maaari ko bang maramdaman ito sa nilalang na dalawang beses ko pa lamang nakikita? Ang kakaibang pakiramdam na hindi ko dapat hinahayaang magtagal sa aking puso.
Kasasabi ko lamang na huwag kang magpapalinlang, Aliara. Ngunit ano itong ikinikilos mo sa harap ng ginoong ito? At talagang tinanong mo pa ang kaniyang pangalan?
Napatingin ako sa paligid ng unti-unti nang maglabasan ang mga alitaptap na may asul na ilaw, ito ang gustong-gusto ko sa lugar na ito, ang mga naggagandahang alitaptap.
Malapit nang lumubog ang araw kaya nandito na sila.
"Malapit ng sumapit ang dilim, hindi ka pa ba babalik sa inyong kaharian?" tanong ko. Nang ibaling ko sa kaniya ang paningin ko ay nasa akin ang kaniyang buong atensyon, tila kinakabisado ang bawat parte ng aking mukha. "Mahaba pa ang iyong lalakbayin pabalik."
"Kung babalik ba ako dito bukas ay muli kitang makikita, Aliara?"
Napatitig ako sa kaniya kaya matagal bago ako nakasagot. "Bukas ng hapon ay babalik ako dito," mabagal kong wika. Hindi sigurado kung tama bang sabihin ko iyon sa kaniya.
"At sa susunod pang bukas?"
Muli ay matagal akong napatitig sa kaniya ngunit seryoso lamang siyang nag-aabang sa aking sagot, puno ng pag-asa ang tinig.
"Araw-araw akong pumupunta dito," wika ko.
Bigla ay napangiti siya. "Kung gayon ay araw-araw na kitang makikita."
Ngumiti lamang ako bilang tugon.
NANG makabalik ako sa aming kuta ay agad kong inilabas ang supot ng salapi na nakuha ko mula sa ginoong iyon ng hindi niya namamalayan, si Sevasti.
"Hangal," nakangiti kong wika. "Minsan na kitang nalinlang sa halik ko ngunit hindi ka pa nadala."
Binuksan ko ang supot at agad na nagulat nang makita ang laman nito, puro iyon gintong barya. "Hindi ko alam na mayaman pala ang kawal na iyon," kunot-noo kong wika. "Ngayon ko lamang nalaman na mayroon din palang maharlikang kawal, nakapagtataka," dugtong ko pa, kinakausap ang aking sarili.
Napatingin ako sa balikat ko nang dumapo roon si Vivi.
"Hindi ko akalaing hangal din ang ginoong iyon, Vivi," nakangisi kong wika. "Masyado siyang nahumaling sa akin."
"Mahal kong ginoo, mahal kong ginoo," sagot niya na agad na nakapagpasimangot sa akin.
"ANONG sinasabi mo? Mahal na ginoo? Mas mahal mo na siya ngayon kaysa sa akin, Vivi?" masama ang loob kong tanong. Kaya pala tila ayaw na niyang umalis sa braso ng ginoong iyon. "Mas mahal kita. Mas mahal kita." Lumingon-lingon siya sa paligid, tila hindi alam ang gagawin, kung aalis ba siya sa balikat ko o kung mananatili. "Pero bakit mahal kong ginoo ang tawag mo sa kaniya?" muli kong tanong, lalong sumimangot noong hindi siya sumagot. "Bahala ka, kung mas mahal mo siya kaysa sa akin ay sa kaniya ka na lamang sumama. Sa hangal mong ginoo!" Hinawi ko siya sa aking balikat dahilan upang mabilis siyang lumipad paalis, umirap ako ng tuluyan siyang mawala sa paningin ko. Hindi man lang umangal sa aking sinabi. "Kapag sumama ka nga sa kaniya ay pagbubuhulin ko kayong dalawa," inis kong wika. Isinarado na ang supot at naglakad patungo sa aking tahanan. "Ang tagal mong nawala. Akala ko ay maliligo ka lamang ngunit saan ka nagtungo?" wika ni Adrina n
"ADRINA," pag-agaw ko sa kaniyang pansin, agad naman siyang tumalima. "Magpahinga muna kayo, Hamil," wika ko, tumango siya at pumunta sa ibang nagsasanay. Inabot ko kay Adrina ang hawak. "Salamat, Binibini," aniya. Pinagmasdan ko lang siyang ubusin ang tubig na ibinigay ko. "Bukas na lamang tayo pumunta sa pamilihan, alam kong pagod ka na mula sa iyong pagsasanay." "Sige, mabuti na rin iyon dahil hapon na, maya-maya lamang ay lulubog na ang araw," tumatangong aniya. Tumango lang din ako at kinuha ang kawayang tasa sa kaniya. "Huwag mong masyadong pilitin ang iyong sarili sa pagsasanay, mahabang panahon pa ang kailangan mo bago tuluyang matuto," wika ko na agad nagpakunot ng noo niya. "Ngunit labing walong araw na lamang mula ngayon bago ang pagsalakay," aniya. Ako naman ngayon ang kumunot ang noo. "Hindi ko sinabing sasama ka sa pagsalakay na iyon, Adrina. Mapapahamak ka lamang," seryoso kong wika. Hindi agad siya nakas
MAYA-MAYA pa ay nagkatinginan sila at agad na nagtawanan, tila alam na ang sagot sa kanilang mga tanong, lumapit na rin ang dalawa sa aking harap. "Ano kaya iyon na lubos na nakapagpula ng pisngi ng binibini?" wika ng isa. Kinakausap ang mga kasama ngunit alam kong para sa akin ang tanong, nanunudyo. "Oo nga, siguro ay maganda ang naganap sa pagitan nila?" gatong pa ng isa. "Hindi kaya ay naglapat na ang kanilang mga labi?" "O higit pa." Agad na kumunot ang noo ko, hindi nagustuhan ang huling narinig. "Hindi! Halik lamang, mga sirena," wika ko ngunit agad na tinakpan ang sariling bibig dahil sa aking kadaldalan. Muli silang nagkatinginan at nagtawanan. Sumimangot ako, nakakainis ang mga sirenang ito. Kung pagbawalan ko rin kaya sila sa talon na ito. "Sabi ko na nga ba, hindi mamumula ng husto ang iyong pisngi kung hindi mo pa natitikman ang kaniyang labi," humahagikhik na wika ng may kulay rosas na palamuti. "Ngayon ay
"BAKIT ang tahimik mo? Hindi ka naman ganyan noong una tayong nagkita. Kanina pa kita kinausap ngunit hindi ka sumasagot," aniyang muli. Luminga-linga siya sa paligid dahil nagsisimula nang maglabasan ang mga alitaptap. Nagtago ako sa puno upang hindi ako mahagip ng kaniyang paningin sa hindi ko malamang dahilan. "Kung nandito siya ay nakikita na sana niya ang ganda ng mga alitaptap na ito. Gustong-gusto kong makita ang maganda niyang ngiti, ang kumikislap niyang mga mata at ang mamula-mula niyang pisngi," may bakas ng katuwaan ang kaniyang tinig. Natulala ako dahil sa narinig, napahawak ako sa aking dibdib dahil tila nagustuhan iyon ng puso ko. Bakit ba ganito ang aking nararamdaman? Tama bang maramdaman ko ito? "Gustong-gusto ko talaga siya, Ibon. Siya lamang ang tanging binibini na hinangaan ko ng ganito, hindi na siya mawala pa sa aking isipan." Kinagat ko ang ibabang labi ko at dahan-dahang sumilip sa kaniya. Nakatingin lamang siya sa kaw
TUMINGIN muna sa akin si Adrina bago muling nagsalita. "Bakit nais mong malaman? Sino ka ba, Ginoo?" aniya. Gusto ko siyang pagalitan dahil sa kaniyang asal ngunit pinigilan ko ang aking sarili. Kung siguro ay ibang kawal ang kausap niya ay kanina pa siya dinala at pinarusahan. "Hangal. Hindi mo dapat kinakausap ng ganyan ang--" "Favier," pigil ni Sevasti sa pagsasalita ng kaniyang kasamang ginoo. Nang magtama ang paningin nila ay agad silang nagkaintindihan, yumuko ng bahagya si Favier bilang paumanhin sa kaniyang pagsagot. "Adrina," agaw ko sa atensyon niya. "Igalang mo siya, isa siyang kawal ng Farianio," wika ko. Hindi nagbago ang bugnot niyang ekspresyon ngunit marahan siyang tumango sa akin, napipilitan. "Isa kang kawal, Ginoo?" wika ng binibini na siyang nakaagaw ng atensyon ko. Sinuyod niya ng tingin ang kabuuan ni Sevasti na siya ko ring ginawa ng hindi ko namamalayan. Hindi iyon marangya katulad ng mga nauna niyang suot ngunit hindi
SIYA na rin ang kusang humiwalay sa halik na iyon. Pareho kaming naghahabol ng hininga habang magkadikit ang aming noo. Matunog akong tumawa, kagat ang pang-ibabang labi habang pinagmamasdan ang kaniyang labi. "Muntik na akong maniwala nang hanapin niya ang kaniyang ama." "Muntik ko na ring saktan ang babaeng iyon nang muli ka niyang hawakan." Humiwalay siya sa akin, hawak pa rin ang baywang ko, nakataas ang dalawang kilay at may maliit na ngisi sa labi. "Selosa," nanunudyong aniya. Tumalim ang tingin ko sa kaniya. "May dapat ba akong pagselosan, Ginoo?" "Wala," mabilis niyang sagot, lalong lumaki ang pagkakangiti. "Akin ka na nga talaga, Binibini." "Paano mong nasabi?" nakataas ang kilay kong wika. Inalis ang dalawang kamay sa batok niya. Agad na kumunot ang noo niya at mas hinigpitan ang hawak sa akin na tila anumang oras ay tatakasan ko siyang muli. "Hindi ba?" "Hmm," tila nag-iisip, nakangisi lang ako sa kan
"ANONG ginagawa ninyo dito, mga verdantes?" tanong ko. Patungo ako sa talon kung saan naroon ang mga Sirena upang maligo ngunit namataan ko sila dito sa gitna ng kagubatan ng Kozania. Tatlo lamang sila at hindi kabilang ang kanilang pinuno na si Dardo. Mayabang na humarap sa akin ang nasa gitna kaya tinaasan ko siya ng kilay at dinala ang aking kamay sa espada ko, handa silang kalabanin kung gagawa sila ng maling kilos. "Namamasyal lamang kami, Binibini," aniya. Bahagya siyang umatras nang makitang hinawakan ko ang aking espada. "Namamasyal?" sarkastiko akong ngumiti. "At saan naman kayo papasyal dito sa Kozania, Verdantes? Kabisado ba ninyo ang lugar na ito?" at masamang tumingin sa kanila. "Paumanhin, Binibini. Aalis na kami," wika nang isa sa kanila, isinenyas ang kamay sa mga kasama upang yayain paalis. "Tama, umalis na kayo kung ayaw ninyong putulin ko ang inyong mga sungay," tiim bagang kong wika. Agad silang nag-atrasan nang uma
PINAGMASDAN ko ang munting bahay sa aking harapan, maliit at gawa sa bato, halatang abandonado na. Ilang araw din ang inabot bago namin natagpuan ang lugar na ito. "Ito ang tinuluyan nila bago sila paslangin," wika ni Matias sa aking tabi. "Paslangin. Paslangin," wika ni Vivi na nakadapo sa balikat ko. Binuksan ni Matias ang pinto at pinauna akong pumasok sa loob, agad kaming nagkaintindihan nang magtama ang aming mga mata, tumango ako at pumasok na. Tumambad sa amin ang magulong kagamitan sa paligid, mayroong isang silid ang bahay at agad na pumasok si Matias doon. Hinintay ko lamang siyang lumabas habang nagmamasid sa paligid. Halata ang pagmamadali ng mga nilalang na nanggaling dito, tila may hinahanap. Ilang sandali lamang ay lumabas si Matias hawak ang isang kulay rosas na tela. Tinitigan ko ito nang inabot niya sa akin, hindi na ako nagulat nang makita ang nakaburdang pangalan dito. "Siya nga," wika ko, sigurado. "Ngayon