35

Chapter 35

Kaharap ngayon ang lalaking minsan kong hinangaan at minahal at siya ring lalaki na nagpagulo sa aking buhay.

Habang nakatingin sa kaniyang mukha ay bumabalik ang ala-ala kung paano ako nagmamakaawa sa kaniya na kami na lang— na ako na lang ang piliin niya.

Bumalik sa akin no'ng panahon na natulog ako sa isang matigas at maingay na kalsada habang sila ay mahimbing na natutulog sa malamig na kwarto at malambot na kwarto.

Kung paano ako nahiwalay kay Mommy dahil sa kaniya.

Magiging masama ba ako kung mas hihilingin ko na 'di ko na siya makita? Na sana maging masaya na lang siya sa desisyon niya? Masama ba ako kung hindi ko pa siya mapapatawad ngayon? At kung mapatawad ko man siya ay akin na lang 'yon. Sa puso ko na lang 'yon.

Masama na ba akong anak dahil hindi ko pa siya kayang patawarin ngayon?

“I’m sorry,” sabi nito habang nakayuko ang ulo.

Mag isa siya ngayon na nasa aking harapan. Sa tatlong taong nakalipas ay malaki rin ang pinagbago ni Dad. Mas dumami ang puti niya