Kabanata 11

"Freeze..."

"Drop your guns." Agad na napalingon si Alyssa nang marinig niya ang pamilyar na boses na iyon. Boses kasi iyon ni Jaycee. Nakita niyang papalapit na ito sa kanila at may kasama pang isang dosenang bodyguard na pamilyar din ang mga mukha sa kanya. Mga bodyguard kasi ito ng kanyang mga kapatid.

"Subukan mo lang hindi sumunod." Narinig pa ni Alyssa na banta ni Chris, isa sa bodyguard ng kanyang Kuya Kyle sa lalaking nakashades. Pumalag kasi ito at balak pang manlaban ngunit wala rin namang nagawa kinalaunan.

Nang matiyak ni Mark na kakilala ni Alyssa ang mga dumating, agad na niyang ibinaba ang kanyang baril at dahan-dahang binitiwan ang baywang ng dalaga. Hindi siya umalis sa tabi nito bagkus ay nanatili pang mas alerto sa mga maaari pang mangyari sa paligid.

"Alyssa..." Narinig ni Mark na may tumawag sa dalaga. Pareho silang napalingon dito.

"Ate." Isang magandang babae ang tinawag nitong ate. Tumatakbo itong papalapit at agad na niyakap si Alyssa. Kasunod nito ang