Kabanata 17

"Alyssa..."

Mabilis na tumakbo si Mark patungo sa washroom. Nakaramdam kasi siya ng kaba. Sampung minuto na kasi ang lumipas magmula nang magpaalam si Alyssa na pupunta sa washroom. Pagdating niya roon kaagad niyang pinihit ang door knob ngunit ito ay nakalock. Walang pagdadalawang isip na bumuwelo siya ng kaunti at malakas na sinipa ang pinto.

"Alyssa..." Bungad na sabi ni Mark nang mabuksan nito ang pinto. Nabungaran niya si Alyssa na nakikipagbuno sa isang tao na nakasuot ng hood.

Parehong napalingon ang dalawa sa kanyang direksyon. Kaagad namang sinamantala nang katungali ni Alyssa ang pagkakataon na iyon. Mabilis nitong nadampot ang patalim na kanina ay sinipa ni Alyssa papalayo. Pagkatapos ay iniumang nito ang patalim sa tagiliran ni Alyssa.

"Don't try to move..." Bulong pa nito sa natigilang si Alyssa. "Or else you will die."

Natigilan rin si Mark sa pagkilos nang marinig niya ang tinuran ng nakahood. Ayaw niyang mapahamak si Alyssa. Mayamaya pa napansin niya na may sine