Kabanata 19

Mabilis na lumipas ang tatlong araw na pahinga ni Alyssa. Sa unang dalawang araw naisipan n'yang subukan ang mga amenities ng Le Grande magmula sa spa & wellness clinic, gym, swimming pool at iba pa. Sinulit talaga n'ya ang unang dalawang araw para doon.

At ngayon, sa natitirang huling araw naisipan ni Alyssa na maggardening sa umaga. Matagal na n'ya itong pinaplano ngunit lagi na lang s'yang nagiging busy kaya hindi matuloy-tuloy.

Nang sumapit naman ang hapon, naisip naman ni Alyssa na tapusin na ang binabasa n'yang libro. Sa garden n'ya naisipang magbasa. May isang divan kasi doon na magandang pagpuwestuhan.

Pagkalipas ng dalawang oras...

"Sir Mark..." Bati ni Jaycee sa bagong dating. Tumango lamang si Mark sa pagbati nito.

"Si Alyssa?"

"Nasa garden po."

"May dala akong mga stocks. Ikaw nang bahala sa mga 'yan, Jaycee."

"Okay, po."

Nagtungo sa garden si Mark. Habang papalapit s'ya, maraming bagong halaman ang kanyang nakita sa paligid. "Ito marahil ang kanyang pinagkaabal