CHAPTER 26: DATE FOR A CAUSE

Jessica's POV

"Meeting adjourn," wika ko sa mga members ko.

Lahat sila ay lumabas ng student council room. Nanghihina akong umupo sa swivel chair ko. Nakakapagod ang trabaho ng Student Council President. Kailangan ko pang mag-isip kung anong gagawin ko para sa Foundation Day namin. Nagbigay kasi ang Head Mistress ng kautusan na pure charity ang mangyari sa Foundation Day.

Kailangang makaipon kami ng pondo na para sa charity nang hindi nanghihingi kundi pinaghihirapan. Nakakatuwang isipin na ang Head Mistress ng RDU ay may ganyang puso para sa kawanggawa, kahit ako ay sang ayon sa kautusan niya. Paano nga ba kami makakakolekta ng malaking halaga?

Biglang may kumatok sa pintuan.

"Come in," malakas na sigaw ko.

Pagkabukas ng pinto, nakita ko ang mga girlfriends na pumasok sa room at may dala silang pagkain.

"Alam namin na hindi ka pa kumakain kaya ito, dinalhan ka na namin ng lunch mo," nakangiting sabi ni Princess.