Kabanata 22: Kiara

Iris

"Dahan-dahan naman, masakit pa." Naiiritang saad ko habang kaharap ko si Sebastian na ngayon ay ginagamot ang gumagaling ko ng sugat sa balikat.

Mahigit dalawang linggo na rin ang nakalilipas simula ng makalabas ako ng hospital. At sa loob ng dalawang linggo na 'yon ay grabe ang pag-aalaga sa'kin ni Sebastian.

Aminin ko man o hindi ay may iba na akong nararamdaman sa kaniya. Kapag katabi ko siya o kaya ay hinahawakan niya ako ay bigla na lamang bumibilis ang tibok ng puso ko.

Lalong triple ang pagtibok ng puso ko kapag hinahalikan niya ako sa noo o kaya naman ay bigla na lamang niyayakap. Noong una ay nagagalit pa ako at naiilang pero kalaunan ay hinayaan ko na rin.

Dahil nagugustuhan ko na rin. Naiinis ako sa sarili ko dahil sa nararamdaman ko kay Sebastian. Natatakot akong umamin pero alam kong sa sarili ko na unti-unti na akong nahuhulog sa isang Sebastian Buenavista.

Napadako ako sa seryosong mukha niya na ngayon ay malapit lang sa akin. Hindi ko alam kung paano at saan nagsim