Chapter 44

SUNDAY is family day, kaya, hindi lang si Luigi ang kasama ni Jornaliza, pati na rin ang kanilang mga magulang. Ngunit, dahil sa hindi naman nila sinabi ni Luigi na pupunta sila ay kitang-kita niya ang pagkagulat sa mukha ng mga magulang.

Pagkagulat? Tanong niyang muli sa kanyang sarili. Para kasing kulang na kulang ang paglalarawan niyang iyon. Hindi lang kasi gulat ang nakikita niya sa mukha ng mga ito kundi takot.

Gusto sana niyang magtanong kung anong problema kaso nga lang biglang nagliwanag ang mukha ng kanyang Mama Guada sabay palakpak na parang siyang-siya na nakita sila, lalo tuloy siyang napakunot noo sa ginawi nito. Para kasing mayroon talagang nais itago ang mga magulang sa kanila ni Luigi. Dama kasi niyang tensyon ng mga ito at ang palitan ng makahulugang tinginan.

"Eh, kamusta naman kayo?" Tanong pa ng kanyang Mama Guada habang pinaglilipat-lipat ang tingin sa kanila ni Luigi. Dahil nga sa pagsorpresa nila sa mga ito ay nagpasya na silang magdala ng pananghalian.

"Ma