Kabanata 5: Getting Ricks

Maagang nagpunta si Jade sa restaurant na pinapasukan ng waiter na nakilala n'yang si Ricks, hindi niya alam kung bakit parang gusto niya ulit makita ang binata.

Nagsuot pa siya ng pinaka-sexy niyang damit para kaagad na mapansin nito.

Pagpasok pa lang niya sa restaurant ay marami na agad na mga waiter ang nagkakandarapang pagsilbihan siya pero wala man lang sa mga ito ang hinahanap niya.

"I will order later." maarteng sagot niya sa isang waiter na unang lumapit sa kan'ya.

Matagal tagal din siyang nakaupo bago niya nakita ang pakay, mukhang kadarating lang nito dahil fresh na fresh pa ito-- lalo tuloy siyang naglaway dito.

Pinakatitigan niya ito kahit sa malayo ay napakaguwapo talaga nito at nang mapadako ito malapit sa gawi niya ay kaagad na kinawayan niya ito.

"Waiter!"

Agad naman itong lumapit sa kan'ya. Mas guwapo talaga ito sa malapitan. Napakakinis ng natural na kutis nito, sobrang tangos ng ilong at mapula ang labi-- na parang ang sarap lamukusin ng halik. Hindi bagay dito ang maging isang waiter lang.

"Yes ma'am, can I have your order?" tanong agad nito paglapit sa kan'ya.

Biglang natigil ang pagpapantasiya niya dito nang bigla itong magsalita.

Pagkuwa'y nginitian niya ito ng napakatamis at nagpa-cute pa siya dito.

Napakunot-noo naman ito-- mukhang ni hindi man lang siya namukhaan nito. Bigla tuloy nawala ang mga ngiti na kanina lang ay nakapaskil sa labi niya.

Siya si Jade Isavedra na kinababaliwan ng lahat ay parang balewala lang sa lalaking kaharap niya. Nainsulto siya pero hindi niya iyon ipinahalata dito.

"Don't you remember me?" sa halip ay tanong niya dito.

Lalong namang nangunot ang noo nito.

"I'm sorry ma'am pero hindi po eh." magalang na sagot nito.

Nagngitngit siya sa sinabi nito, wala pang lalaki ang hindi nakakatanda sa kan'ya sa unang kita pa lang ng mga ito sa kan'ya kun'di ito lang.

"I saw you at the party the other day, natapunan mo nga ako ng wine eh remember?" maarteng paliwanag niya dito.

Nakita n'yang napa-isip ito at tila may inalala.

"Ah.. naalala ko na po kayo ma'am, pasensiya na po ulit sa nangyari noong araw na iyon." hinging paumanhin ulit nito nang maalala siya.

"At last! You remember me! By the way it's okay, apology accepted again." matamis ang ngiting sagot niya dito.

"Thank you ma'am but can I have your order now?" tanong ulit nito na tila ba naiinip na at hindi gustong makapag-usap sa kaniya.

"Oh sure but I want you to accompany me here." mapang-akit na sagot niya dito na parang wala lang sa kaniya ang ipinakita nito.

"I'm sorry ma'am pero bawal po kaming makipagkwentuhan sa customer while on duty hope you understand." sagot nito sa mapagpasensiyang tono.

"Okay let's talk outside na lang." pangungulit pa niya dito.

"Pasensiya na po talaga ma'am pero hindi po ako nakikipag-usap sa ibang tao kung hindi importante lalo na at hindi ko naman po talagang kilala, now kung hindi po kayo o-order ay aalis na po ako." magalang na paalam nito bago mabilis na tinalikuran siya at naglakad palayo.

Naiwan s'yang natitigilan at nagngingitngit ang kalooban sa pag-alis nito.

"Shit ang lalaking iyon! In-snob ang beauty ko!" nagngingitngit na bulong niya sa sarili.

Pero hindi siya basta-basta susuko rito. Para saan pa na naging anak siya ng isang bilyonaryo kung hindi niya makukuha ang gusto niya.

Napangisi siya sa sarili ng biglang may maisip.

Tumutunog ang takong ng kaniyang sapatos habang naglalakad siya patungong manager's office ng restaurant na iyon.

"Pasensiya na ma'am pero bawal po kayong pumasok dyan." pigil sa kaniya ng isang babaeng crew nang makita siya nito na akmang papasok sa manager's office.

Tinaasan n'ya ito ng kilay.

"Don't you know me?" mataray na bulyaw niya dito.

Agad naman itong natigilan.

"Ako lang naman ang anak ng may-ari ng lupang kinatitirikan ng restaurant na ito! And I want to talk to your manager now!" pasigaw pa na utos niya dito.

Bahagya namang napa-atras ang crew sa biglang pagsigaw niya pero agad din itong tumalima.

"Sorry ma'am hindi ko po alam, wait lang po at tatawagin ko si madam manager." at nagmamadali na itong pumasok sa loob ng manager's office.

Maya-maya din ay lumabas na ito at tinawag siya.

"Pasok na daw po kayo ma'am." magalang pang sabi nito at saka nagpa-alam ng umalis.

Taas noo s'yang pumasok sa loob ng opisina at nakita niya doon ang nakaupong babae na mukhang ka edad lang niya.

"So ito pala ang manager dito?" sa isip niya.

Maganda ito pero alam n'yang mas maganda siya dito.

"Good morning ma'am, do you have any complain sa food service namin or sa mga crew?" magalang na bati nito sa kan'ya.

"No, I don't have but I want your waiter name Ricks Gregorio to accompany me outside this restaurant." diretso at walang ligoy na sagot niya dito.

Bigla naman itong natigilan at nakita pa niya ang pagtaas ng isang kilay nito.

"Pasensiya na po kayo ma'am pero hindi ko po ina-allow ang mga customer's ng restaurant na ito na basta na lang ipag-paalam ang mga empleyado ko habang naka duty and besides ngayon ko lang po kayo nakita at imposibleng girlfriend ka ni Ricks dahil kilala ko ang kinakasama niya." mataray na sagot nito.

"Ako nga ay hindi pumasa kay Ricks ikaw pa kaya?" bulong pa nito na hindi nakaligtas sa pandinig ni Jade kaya naman napa-ismid siya dito.

"So ang babaeng ito ay may gusto rin kay Ricks?" sa isip niya.

"So what?!" mataray ding sagot niya dito.

Nakita niya ang pagtitimpi sa mukha nito.

"Kung wala na po kayong ibang complain ma'am ay maari na po kayong lumabas at doon n'yo na lang po hintayin si Ricks-- at kung talagang gusto mo s'yang makausap ay hintayin mo hanggang matapos ang duty niya." pagkuwa'y pagtataboy nito sa kan'ya at binalewala lang ang mga sinabi niya.

Kaya naman kaagad na nagsalubong ang mga kilay niya sa sinabi nito.

"Hindi mo ba ako nakikilala?" namumula sa galit na biglang tanong niya dito.

"Sorry ma'am pero hindi po." naka-ismid na sagot nito.

Nainis na naman siya dahil ganitong ganito din ang sinabi ni Ricks at ng babaeng crew sa kaniya kanina.

"Ako lang naman ang anak ng may-ari ng kinatitirikan ng restaurant na ito!" inulit pa niya dito ang sinabi niya sa crew kanina bago siya pumasok sa loob ng opisinang ito.

"And know what?" naka-ismid na tanong pa niya dito.

"Ninong ko ang amo mo at kayang-kaya kitang ipatanggal dito ngayon din mismo!" pagbabanta pa niya.

Nakita naman niya ang biglang pagrehistro ng takot sa mukha nito at nawala din ang kanina lang na katarayan nito.

Napangisi siya, walang ibang pwedeng magtaray sa kaniya kun'di siya lang.

"Ano, papayagan mo bang pasamahin si Ricks sa akin ngayon o ipatatanggal pa kita dito?" pag-uulit na tanong niya sa babae.

"I will talk to him first--

"No!" putol niya sa iba pang sasabihin nito.

"Hindi ko kailangan ng permiso niya! Palabasin mo na siya, I'll wait him outside and don't worry babayaran ko ang araw niya ngayon sa'yo ng triple!" sarkastikong sabi niya dito bago tinalikuran ito at lumabas ng opisinang iyon.

Taas noo ulit siyang naglakad palabas ng restaurant na iyon at natutuwa siyang pinagtitinginan siya ng mga taong nadaraanan niya.