Chapter 104: Professional Skills

IIKA-IKANG TUMAYO si Geoff at makailang beses sinubukan na lagpasan si Alyson pero desidido talaga ang babae na hindi ito padaanin. Itataya niya ang lahat ng lakas para lang hindi makuha ni Geoff ang folder ng kanyang mga drafts ng design.

"Titingnan ko lang naman. Huwag ka ngang maramot! Bakit ayaw mo bang ipakita sa akin? Anong tinatago mo? Hindi 'yan sa'yo 'no?"

"Ayoko nga! Huwag ka nga sabing makulit! Gusto mo bang itulak kita ulit? Hindi ka pa nagtanda ah. Gusto mo pa yatang mabalian ka ng buto bago mo sundin ang gusto ko."

Sumeryoso ang mukha ni Geoff. Pinantayan 'yun ni Alyson. Hindi siya magpapatalo dito. Kapag sinabi niyang ayaw niya, walang makakalapit sa mesa kahit na anong mangyari. Hindi siya papayag.

"Bigyan mo ako ng magandang dahilan kung bakit ayaw mong ipakita sa akin ang laman noon." pagpupursigi ni Geoff na makita ang folder niya.

"Bakit ba? Sa ayaw ko ngang ipakita sa'yo!"

Nang muling subukan 'yun ni Geoff ay hinila na ni Alyson sa laylayan ang suot niyang dami