Kabanata 25

"Maria!!" Sa sobrang pamamadali ni Philip ay pangalan ng babae sa panaginip ang nabigkas niya, hindi niya alam pero napaka-pamilyar ng pangyayari iyon, parang hindi iyon ang unang beses para sa kaniya. 

Mabuti na lang ay nahila niya ang babae pabalik sa stage ngunit siya naman ang nawalan ng balanse dahilan para mahulog siya sa stage.

"Argh!" Daing niya ng makaramdam siya ng sobrang sakit sa kaliwang balikat. 

Mabilis naglapitan ang mga kasamahan nila sa kaniya habang tulala naman si Isabel sa nangyari, hindi niya inaasahan ang nangyari.

"Philip, okay ka lang ba? tulungan n'yo ako na itayo s'ya at dalhin sa clinic." Sabi ni Yuna na natataranta din dahil sa gulat pero nagagawa pa rin na makapag isip ng maayos.

"Guys! Ano ba." Inis na sabi nito ng walang kumilos, kaya lumapit na si Ken at tinulungan ang babae na alalayan si Philip.

Naglakad ang mga ito ng dahan-dahan papunta sa clinic at naiwan naman si Isabel na tulala pa rin kasama