Kabanata 43

“Bakit ang seryoso nyo naman yata diyan? May isa ka pa na bisita anak, iwan ko muna kayong tatlo diyan at kukuha ako ng maiinom ni Pelipe.” Sabi ng Ina ngunit nagsalita si Kanor.

“Hindi na po ako magtatagal dito, aalis na rin po ako dahil kanina pa naman kami naguusap ni Maria. Babalik na lang po ulit ako sa susunod.” Magalang na pagpapaalam nito.

“Bakit ang bilis naman Iho. Tinapos pa naman naming agad ang gawain naman para makapag-usap tayo, sa susunod na lang siguro pag bumalik ka. Mag-iingat ka sa daan.” Bilin ng Ina na parang matagal na niyang kilala ang lalake, tumango naman ang lalake at nagpaalam na para umalis.

Pagkaalis ng lalake ay doon lang nabaling ang tingin ni Maria sa bagong dating na lalake, nagtataka ito kung bakit ito dumalaw, wala naman kasi itong dahilan para puntahan siya.

<