12 - Celebration

12

"Pake ko sayo? At saka pwede ba? Huwag mong mababanggit ang salitang fiance? Nakakadiri kaya," nakangiwing sambit ko pa at pinakitang nandidiri talaga ako.

"Ang oa mo naman. Maraming babae ang may gusto ng posisyon mo ngayon kaya dapat magsaya ka—" mabilis ko siyang pinutol kasi iyong unang sinabi pa niya, nakakainis na, paniguradong iyong susunod pa na sasabihin niya, mas nakakainis na.

"Asa ka! Magsaya? Mandiri, oo! Nga pala may pupuntahan ako ngayon araw. Kapag tumawag si daddy, sabihin mong may ginagawa ako at busy lang ako sa kung anong bagay," simpleng sambit ko.

"Maiwan ko muna kayo at may gagawin pa ako sa labas," sambit ni manang at agad na umalis nang makapaglapag ng pinggan sa harap ko na paniguradong gagamitin ni Zacky.

Hindi agad nagsalita si Zacky kaya napasulyap ako sa kanya. Pawisin ito at mukhang kakatapos niya lang mag work out. Napangiwi ulit ako.

"Ano ba! Maligo ka nga muna! Ayokong makaamoy ng mabaho!" Bulyaw ko sa kanya, pero nagpatuloy lang ito sa ginagawang