Chapter 16

Reen

NAPADAPA ako mula sa 'king hinihigaan na kama, nang maalimpungatan ako dahil sa nanuot na mabangong aroma ng lutuin mula sa aking ilong.

Agad kong iginala ang aking mga mata sa paligid, habang nag-iisip kung sino ang posibleng kumikilos mula sa kusina sa ibaba. Sigurado ako na roon nanggagaling ang amoy na gumising sa akin.

Bigla akong napatihaya nang maalala ang mga kaganapan kagabi. 

Sh*t! Si Asher!

Mabilis kong sinilip ang aking sarili mula sa blanket na nakabalot sa aking  katawan. At peste! Halos lumuwa na ang aking mga mata nang makita ko ang aking sarili na bukod sa kumot na ito, ay wala nang kahit na anong nakasuot sa akin.