Kabanata 3

Kinabukasan, pagkatapos maghain ng almusal, sumakay si Charlie sa kanyang iskuter papunta sa opisina ng Emgrand Group.

Ipinarada niya ang kanyang iskuter sa gilid ng paradahan ng Emgrand. Sa sandaling pinatay niya ang kanyang iskuter, isang itim na Bently ang mabagal na pumarada sa harap ng kanyang lugar.

Tumingala siya nang hindi sinasadya at nakita ang magnobyo na papalabas ng kotse.

Ang lalaki ay may suot na may tatak na amerikana, gwapo, at matalino sa paningin. Samantala, ang babae ay mabulaklak ang suot. Kahit na matingkad, matatawag siyang maganda.

Ang babae ay si Wendy Wilson, ang pinsan ni Claire, at ang lalaki ay ang kanyang nobyo, si Gerald White.

Hindi alam ni Charlie kung bakit sila nandito, pero alam niya na ang pinakamabisang paraan upang makalayo sa gulo ay lumayo sa kanila.

Gayunpaman, kapag mas sabik siyang magtago sa kanila, mas malaki ang tyansa na makita siya nila.

Napansin siya ni Wendy sa sulok ng kanyang mga mata. Sinigaw niya nang malakas,

“Hoy, Charlie!”

Palakaibigan siyang tinawag ni Wendy, ngunit kinilabutan si Charlie.

Sa paggalang, huminto lang siya at hinintay silang lumapit. Siya ay ngumiti at tinanong, “Wendy, uy, bakit kayo nandito?”

Tumawa nang marahan si Wendy. “Ah, nandito si Gerald para kausapin si Doris Young, ang vice-chairman ng Emgrand Group! Nandito ako para samahan siya.”

Pagkatapos ay tumalikod siya at tumingin nang malambing kay Gerald at sinabi, “Maraming proyekto ang pamilya White kasama ang Emgrand Group. Hindi lang ito makakatulong sa pamilya white ngunit makakatulong din sa pamilya Wilson sa hinaharap.”

Hindi alam ni Charlie na ang pamilya White ay isa sa mga kasosyo sa negosyo ng Emgrand Group. Pagkatapos ng lahat, katatapos niya lang akuin ang kumpanya at walang oras para basahin ang mga detalye.

Hindi siya nagpakita nang kaibahan sa kanyang mukha. Sa halip, sinabi niya lang na may magalang na ngiti, “Napakatalentado at kamangha-mangha si Mr. White, bagay kayo sa isa’t isa!”

Mapanghamak na tinitigan ni Gerald si Charlie, mayroong bugso ng galit sa loob niya.

Ang talunan na to ay pinagalitan nang sobra ni Lady Wilson kahapon sa harap ng maraming tao, paano siya nakakangiti na parang payaso na parang walang nangyari?

Bakit pinakasalan ni Claire, isang napakaganda at nakakamanghang babae, ang talunang ito?

Kung hindi nabuhay ang talunan na ito, siguradong hinabol na niya si Claire! Sinong gustong maging kasintahan si Wendy, ang babaeng kulang sa lahat ng aspeto kumpara sa kanya?

Huminga nang pahabol si Gerald na may pagkadismaya at tinanong sa hambog na tono, “Bakit ka nandito?”

Kaswal na sinabi ni Charlie, “Nandito ako para maghanap ng trabaho.”

“Maghanap ng trabaho?” Masungit na kinutya ni Gerald. “Ikaw? Ang talunan na walang magawa ay gustong maghanap ng trabaho sa Emgrand? Niloloko mo ba ko?”

Sumimangot si Charlie. “Anong kinalaman nito sayo?”

Ang rason kung bakit tinawag ni Wendy si Charlie ay para ipahiya siya. Dahil nagsimula na si Gerald, agad siyang nangutya, “Bakit? Tama naman si Gerald diba?”

“Kung pag-uusapan ang pinag-aralan, mayroon ka bang kahit anong diploma?”

“Kung pag-uusapan ang kasanayan at abilidad, mayroon ka bang mga nagawa o resulta na maipapakita?”

“Magtiwala ka sakin, hindi nila papansinin ang isang talunang kagaya mo kahit na mag-apply ka bilang guwardiya. Alamin mo ang lugar mo, mas mabuti pa na mangalakal ka ng basura sa kalye, malay mo kumita ka ng dalawa o tatlong libo sa isang buwan!”

Pagkatapos, nagbato siya ng isang bote ng tubig sa paa ni Charlie at ngumisi, “Ayan, kunin mo at ibenta para sa pera! Huwag mong sabihin na wala akong pakialam sayo.”

Tumawa nang makasalanan si Gerald. “Isa kang basura, pero, magkamag-anak pa rin tayo. Nasa likod mo ko. Nangyari na kilala ko ang vice-chairman ng Emgrand Group, bakit hindi ako magbigay ng puri para sayo at tingnan kung paglilinisin ka niya ng banyo?”

Kinulot nang may pangungutya ni Charlie ang kanyang mga labi at sinabi. “Wala kang pakialam kung anong trabaho ang kukunin ko, dapat mong isipin yung sarili mong negosyo. Malaking kumpanya ang Emgrand Group, hindi nila gustong makipagtulungan sa isang basurang tulad mo.”

Namula sa galit ang mukha ni Gerald. “Sinong tinatawag mong basura?”

Sumagot nang may pangungutya si Charlie, “Ikaw, basura!”

Pagkatapos ay tumalikod siya papunta sa loob at hindi pinansin ang mga galit na sigaw ni Gerald sa likod.

“Hoy! Tumigil ka! Tumigil ka diyan, naririnig mo ba ko?”

Mabilis na naglakad si Gerald at naabutan si Charlie sa elevator hall.

Gusto niyang turuan ng leksyon si Charlie, bigyan ng dalawang sampal sa mukha para malaman ang mangyayari kapag ginalit siya, pero nasa loob na sila ng Emgrand Group. Nag-aalala siya na madudungisan ang reputasyon niya dahil sa mabagsik na gagawin niya at magagalit ang kanyang kasosyo sa negosyo, kaya wala siyang magawa kundi kalimutan ang ideya.

Nagngalit ang kanyang mga ngipin at nagbabala, “Pagbibigyan kita ngayon, pero hindi ka su-suwertihin sa susunod!”

Suminghal si Charlie at pumasok sa elevator. Bago sumara ang pinto, sinabi niya, “Gerald White, sa tingin mo ba ay makapangyarihan ka talaga? Magtiwala ka sa akin, malalaman mo ang kabayaran ng pagiging hambog at mayabang!”

“Ikaw…”

Ang mukha ni Gerald ay naging pangit at namula. Gusto niyang lumusob sa elevator ngunit hinila ni Wendy ang kanyang braso at sinabi, “Gerald, huwag kang sumakay sa elevator kasama ang talunan na yan, baka hindi tayo makahinga sa amoy niya.”

Tumango siya, alam niya na hindi matalino ang paggawa ng gulo dito. Kaya, suminghol siya. “Huh, swerte ka ngayon. Tuturuan kita ng leksyon sa susunod!”

***

Sa elevator, direktang pumunta si Charlie sa pinakamataas na palapag kung saan matatagpuan ang opisina ng chairman.

Inayos na ni Stephen ang lahat para sa kanya sa Emgrand. Ang taong namumuno sa pag-aayos ay isang babae na may pangalang Doris Young.

Nakuha ni Doris Young ang kanyang reputasyon bilang kilalang babaeng negosyante sa Aurous Hill. Hindi lamang siya kaakit-akit na babae, ngunit sobra rin siyang magaling. Siya ay naging vice-chairman ng Emgrand Group sa murang edad. Siya rin ay isa sa mga kadahilanan ng pagtagumpay ng kumpanya ngayon.

Ngayong nakuha na ng pamilya Wade ang Emgrand Group, ang dating chairman ay bumaba at nanatili si Doris upang tulungan ang bagong chairman.

Si Doris ay medyo nagulat nang una niyang makita si Charlie. Hindi niya inaasahan ang bata at kaakit-akit na lalaki nang marinig ang tungkol sa kanya mula kay Stephen!

Mabilis siyang huminahon at magalang na bumati. “Maligayang pagdating, Mr. Wade. Pakisundan po ako sa aking opisina.”