Kabanata 8

"Lorenz, dumapa ka muna sa sahig ng sasakyan kahit na bulletproof pa 'yan para siguradong ligtas ka! May papunta nang backup. Shit! I don't even know why this is happening! I'll drop the call. Please stay safe, Lorenz. Baka bumangon sa hukay ang Lolo mo at multuhin ako kapag may masamang nangyari sa'yo." Agad niyang sinunod ang bilin sa kanyang dumapa sa sahig na may rubber matting. Batid ang magkahalong panic at galit sa boses ni Vic sa kabilang linya. Itatatanong pa sana ni Lorenzo kung paano nakatawag ng backup gayong hindi naman naputol ang usapan nilang dalawa nang maputol na ang tawag.

Ang kotseng sinasakyan ni Lorenzo ay mas pinabilis pa ang takbo. Kahit hindi naiintindihan niya ang nangyayari ay alam niyang marahil may kinalaman sa kanya ang barilang iyon. Napagtanto ni Lorenzo na marami pa ring may gustong manakit sa kanya dahil sa pangyayaring iyon. Maraming kamag-anak na ganid ang pamilya Villaverde. Mga pinsan at kaanak ng kanyang Ama at Lolo na hindi naambunan ng sipag a