Chapter 36

Allison POV

Naging maayos ang pananatili namin sa loob ng resort.

Lahat yata ng beach activities ay nagawa na namin. Hindi ko akaing kumpleto pala ang gamit na dinala nila, pinagplanuhan nina Kaye Ann. Pakiramdam ko ay walang oras na hindi ako nakangiti sa ilang araw na stay namin dito. Lalo na at kasama ko ang...

Boyfriend ko.

Kinagat ko ang labi ko nang bahagya akong matawa. Nangingiting tiningala ko si Jazzer sa likuran ko. Kumunot tuloy ang noo niya sa akin kaya napanguso ako. Muli ko na na lamang ibinalik ang atensiyon ko sa pag-inom ng buko juice.

Nakaupo ako ngayon sa swing na nakasabit sa dalawang puno ng niyog habang mahinang idinuduyan iyon. Nakatayo si Jazzer sa likuran ko at pareho kaming nakatanaw sa dagat, pinapanood ang mga kaibigan naming walang sawa na naglalangoy.

"Ayaw mo ba talagang lumangoy?" tanong ko kay Jazzer, hindi siya nilingon.

"I'll go swim if you will come with me," balewalang sagot niya. "H