Kabanata 320

Tahimik lang si Vaiana habang pinapanood ang video ni Althea kasama ang aktor. Wala siyang sinabi, wala ring ekspresyon sa mukha. Para sa kanya, walang kinalaman sa kanya kung may relasyon man si Althea sa aktor o wala.

Pero... bakit gano'n na lang ang reaksiyon ni Kyro? Bakit siya galit?

Isinantabi ni Vaiana ang tanong na iyon. Hindi niya kailangang alamin kung bakit nagagalit si Kyro, lalo na kung wala siya sa opisina. Ayaw niyang ubusin ang enerhiya niya sa mga bagay na hindi naman niya dapat pakialaman.

Sinubukan niyang kumbinsihin ang sarili na huwag nang mag-isip nang kung anu-ano.

Sa di kalayuan, abala sina Elyse at Francine sa pag-uusap. Palitan sila ng hinala, ano nga ba ang tunay na relasyon ni Kyro at Althea? Sa dami ng effort ni Kyro para kay Althea, parang hindi ito basta trabaho lang.

Biglang bumukas muli ang pintuan ng opisina.

Si Althea na mismo ang lumabas, hindi na kailangang tawagin pa.

Tahimik bigla sina Elyse at Francine, waring kinabahan.

“Kyro,” umiiyak-iyak si A