Kabanata 321

Nabuweltahan si Althea. Tinamaan ang kanyang pride.

Pakiramdam niya ay parang sinabi ni Vaiana na hindi karapat-dapat pag-aksayahan ng oras ang mga palabas niya.

Umpisa pa lang, gusto na niyang ipagyabang ang mga naabot niya. Mula pagiging singer, umangat siya sa pagiging aktres, at ngayon ay mas sikat pa kaysa dati.

Pero sa isang salita lang ni Vaiana, tila binura lahat ng iyon. Nakakahiya. Nakakainsulto.

Napangiwi siya at parang gusto niyang gantihan si Vaiana, subalit nandoon si Kyro, kaya kinailangan niyang kontrolin ang sarili.

Humakbang siya palapit sa bintana, pilit pinapakita ang ngiti at nagsalita habang nakatingin sa labas, “I think I did a good job with this poster, what do you think? Warm, di ba?”

Tumingin siya sa malaking poster sa gusali sa tapat, kung saan siya mismo ang tampok na mukha. Napangiti siya ng mayabang. Iniisip niyang araw-araw itong nakikita ni Vaiana. Araw-araw, tiyak niyang sumasakit ang ulo ng babae sa inis.

Pero hindi man lang lumingon si Vaiana.