CHAPTER 14

Naging mas abala si Lily sa kaniyang business nang magsimulang mag-shooting ang movie production na dinidirekta ng kaniyang kaibigan na si Cleon. Tuwing Wednesday at Thursday ang fixed schedule ng movie shooting sa café & restaurant niya. Ito ang mga araw na may kaunti silang bilang ng customers kumpara sa ibang araw. Gabi na natatapos ang shooting, pero ipinauubaya na niya iyon sa ilang staff niya pati kay Russel at sa assistant manager nito ang shift ng mga schedule at ilang mga bagay na dapat gawin.

Hapon pa lang ay umuuwi na siya kagaya nang nakagawian dahil sinusundo pa niya si Isaac sa eskwelahan. Tuwing gabi na lang sila magkasama ng anak niya kaya ayaw naman ni Lily na pati iyon ay isakripisyo niya.

Break time ngayon ng movie production at doon naman busy sina Lily dahil naghahanda sila ng makakain ng mga ito. Sila ang nagpo-provide ng pagkain sa mga staff and employees na parte ng movie production na iyon. Kasama ito sa mga binabayaran at mga napag-usapan nila.

“Pakidala n