CHAPTER 37

“Good afternoon, Sir.”

Pagbati ni Russel kay Ivor nang pumasok siya sa ISAAC’s. Ilang araw din siyang hindi nakakapunta rito dahil busy siya sa sariling kompanya.

“Good afternoon, Russel. Nand’yan ba si Lily?” pagbati ni Ivor pabalik kasabay nang paghahanap niya kay Lily.

“Sorry, Sir Ivor. Wala po rito si Ma’am Lily, may outside meeting po siya sa isang client.”

Tumango-tango si Ivor bilang sagot saka nagpaalam sa kaniya si Russel na may gagawin din ito. Um-order na lang din siya nang isang cinnamon roll at hot caramel macchiato for take-out dahil may filming shoot.

Matyagang naghihintay si Ivor sa orders niya nang may isang lalaki ang lumapit sa counter para um-order din.

“Hi. One iced americano, please.”

Nang tingnan ni Ivor kung sino iyon, sumalubong sa kaniya si Cleon. Nalingon din ito sa gawi niya kaya nagtama ang mga tingin nila. Dahil lang do’n, tila may nabuong tensyon ng alitan sa kanilang dalawa.

Hindi sila nagsasalita pero alam ni Ivor na para silang nagtatalo sa isip nang