CHAPTER 38

“Tawagin niyo na lang ako kung may kailangan pa kayo, pupunta lang ako sa kitchen,” pagpapaalam ni Lily sa mga staff niya na naka-assign sa pagse-set up ng event.

Pagpasok ni Lily sa loob ng kitchen ng function hall, nakita niya ang mga bagong dating niyang staff na dala ang mga pagkain. Dahan dahan ibinababa ng mga ito ang food pan sa isang mahabang mesa.

“Ayos ba ang mga pagkain?” tanong ni Lily sa mga staff niya.

“Ayos naman po lahat, Ma’am,” sagot sa kaniya nang isa sa mga waiter niya.

Binuksan ni Lily isa isa ang mga food pan para makasigurado. Nakahinga siya nang maluwag dahil maayos ang mga ito, walang tapon o kung ano man.

Malakas ang ulan sa labas kaya naman kailangan niya i-check kung okay ang mga pagkain na ise-serve nila.

Lumabas siya ng kitchen at nag-double check siya sa paligid. Naka-set up naman halos lahat. Finishing touch na lang ang kulang, ilang minuto na lang din ay darating na ang mga bisita.

Swerte rin niya dahil sa first floor ng hotel sila nakapag-book ng fu