Chapter 108

-Hariette-

Inalalayan ko si Justin sa pagtayo mula sa bar stool. Isinampay ko ang isang braso niya sa balikat ko at habang palabas ng club ay pasuray-suray siyang naglakad. Nahihirapan ako sa pagbalanse sa katawan namin kaya naiinis na hinampas ko siya sa tiyan.

“Justin, umayos ka. Ang bigat-bigat mo. Baka pareho tayong matumba kapag hindi mo inayos ‘yang paglalakad mo.” singhal ko sa kanya, pero tinawanan niya lang ako.

Hinuli niya ang kamay ko at hinalikan ito. “Salamat, asawa ko. Akala ko hindi mo na ako susunduin eh. Akala ko papabayaan mo na lang akong mag-isa sa bar. Alam mo bang nagpakalasing ako dahil sa’yo? Nagseselos ako sa lalaking kausap mo kanina sa tabing-dagat.”

Ang corny pala nito kapag lasing. Pero sapangiti ako sa pagbanggit niya ng asawa ko. At nagseselos daw siya kay Harold.

Hindi niya alam, parang kapatid lang ang tingin sa akin ni Harold, at si Celeste ang gusto niya.

“Wala akong ginagawang masama, Justin. Kasalanan mo, ayaw mo pa kasing tigilan si Scarlet.” pai