Chapter 60

Tulala ako nang tuluyan siyang lumabas ng kwarto. The lights went off. Tanging ang tunog ng aircon ang naririnig sa madilim na silid. Pumikit ako ng mariin at hinaplos ang aking buhok.

"Shit." mura ko sa sobrang iritasyon. Sumalampak ako sa kama at hinila ang makapal na kulay abong comforter patungo sa buong katawan ko.

Hindi ko alam kung gaano katagal ang lumipas. Nagising na lamang ako nang maramdaman ang kaunting galaw sa kama. Sa dilim ay naaaninag ko ang hubad na likod ni Hayes sa dulo ng kama. Nakaupo at tila minamasahe ang kaniyang batok.

Dahan-dahan akong umupo sa kama. Sigurado ako na naramdaman niya ang galaw ko ngunit hindi niya iyon pinansin.

Anong oras na ba? Madilim pa rin sa loob ng silid at hindi ko alam kung may liwanag na ba sa labas dahil nakaladlad ang makapal at malaking kurtina. 

"I'll sleep on the sofa. Don't worry. Matulog ka na ulit. It's still 3 in