Sybil Park
“Kung gayon, ginang. Ano ang inyong pakiusap? Ang bigyan ka ng pagkakataong makapag-aral? Hindi ko maibibigay sa iyo iyan.” Hindi ko man ibinahagi ang aking pakiusap ngunit tinanggihan agad ako ng Baron.
“Baron, hindi n`yo po kailangang ibigay sa akin sapagkat ang aking hinihiling ay maibigay iyon sa aking musmos na anak.” Kagaya ng sinabi ko, lahat ay aking gagawin basta para sa aking anak. Ito ang nais ni Mazimaze, ang makapag-aral kaya't ibibigay ko sa kaniya ito.
“Sa ngayon pa lamang ay humihingi agad ako ng pasensya, ginang, ngunit hindi ko iyan bibigyan ng pahintulot.” Ang kaniyang isinaad ay nakapagdismaya sa akin nang lubos.
Ano pa nga ba ang aking aasahan? Maliit lamang ang tiyansang pumayag ang baron ngunit akin pa ring sinubukan para sa aking anak. Ito na ang aking inaasahan ngunit hindi ako makakapayag!
“Baron! Ako'y nagsusumao sa inyo. Para lamang sa aking anak. Baron, pagbigyan n`yo na ako!” Halos luhudan ko na siya at kulang nalang ay halikan ko ang mga paa niya.
“Ako'y nagdesisiyon na. Hindi mo na iyon mababago pa.” Hinawakan ko ang kaniyang hanbok ngunit agad niyang nabawi iyon. Ako'y namomoblema na hindi ko kayang matupad ang hiling ng aking anak.
“Ina?” Agad nawala ang aking pagkakataranta nang marinig ang mala anghel na boses ng aking anak. Pinunasan ko ang aking mga luha at nilingon ito.
“Bakit, anak? Hindi ba't gabi na? Bakit gising ka pa?” Pinilit kong ngumiti para hindi ito magtaka.
“Bakit, ina?” tanong nito. Hindi ko maintindahan ang kaniyang pinupunto.
“Anong ibig mong sabihin aking anak?” tinanong ko ito dahil hindi ko talaga siya maintindihan.
“Bakit, ina? Hindi ba't kuntento na ako sa mga bagay na mayroon ako? Bakit nagmakaawa ka pa sa Baron?” wika nito na tila'y naiintindihan ang mga nangyayari sa paligid. Mamasa-masa ang kaniyang mga mata at salubong ang kilay niya nang ako'y tingnan. Halos ginaya niya ang aking pananalita kanina. At isa pa, nakita niya ang ginawa kong pagmamakaawa sa mahal na baron.
“N-nakita mo, anak?” hindi makapaniwalang tanong ko.
“Opo, ina. Ako'y nagising dahil sa liwanag nang hindi sinasadyang marinig ang ingay rito sa teresa. At nakita ko po kayo—agmamakaawa at lumuluhod sa Baron. Ngunit, ina—hindi mo kailangang gawin iyon. Sapat na sa akin ang lahat ng binibigay mo para sa iyong anak. Marunong akong makuntento at sana naman po ay maunawaan n`yo iyon. Handa akong maghintay ng tamang panahon upang ako'y makapag-aral nang hindi ko kayo nagkikitang nawawalan ng dangal sa harap ng mga tao. Nang hindi kayo nasasaktan ng sinuman, ina dahil hindi ko alam kung ano ang aking magagawa kapag nalaman kong kayo ay nasaktan, aking ina.” Natigilan ako sa sinabi nito. Ni hindi niya ako matingnan sa mata dala ng konsensiyang kaniyang nararamdaman.
“Anak, hindi mo kailangang sabihin iyan,” nag-aalala kong wika. Baka sa simpleng pangyayaring ito ay magbago na agad siya. Sensetibo pa naman ang mga kabataan ngayon.
“Kailangan ko po. Alam kong bilang aking ina, ay gagawin n`yo ang lahat para sa akin na inyong anak ngunit hindi po ba parang ika'y sumosobra na? Halos ipinawalangbahala mo na ang iyong karangalan at kaakuhan para sa akin.” Ngayon ko lamang siyang narinig na pagsabihan ako. Kung tutuusin ako dapat ang gumawa sa kaniya nito.
“Ina, kahit gusto mo akong mapalaki ng maayos at hindi nahihirapan—magpahinga ka rin naman kahit minsan. Hindi n`yo alam na nasasaktan ako sa tuwing magsasakripisyo kayo para sa akin. At bilang iyong anak, gusto ko rin namang asikasuhin ang sarili ko nang wala ka. Nang sa gayon ay ikaw naman ang alagaa't protektahan ko. Ina, magpahinga ka muna.” Ako'y natigilan sa mga sinabi nito. Tama nga siya. Naratamdaman niyang mas nakatutok akong alagaan siya ng maayos at nakalimutan na ang sarili ko. Naintindihan ko ang pinupunto niya. Kailangang balanse ako. Balanse sa pag-aalaga sa aking anak at balanse sa sarili ko.
PANIBAGONG araw ng paninitili sa impyernong lugar na ito. Impyerno dahil sobra ang kahirapan ang aming nadadanas. Pero kahit aning hirap pa iyan, nawawala lamang dahil pinapagaan ng aking anak na si Maze ang loob ko.
Hanggang ngayon ay wala pa ring aksiyon ang pamahalaan sa mga pang-aaping ginagawa ng baron hindi lamang sa amin dito sa iisang barrio kundi maging sa ibang barrio. Wala akong balita o kaalam-alam tungkol sa ibang barrio sapagkat wala naman akong pera pambili ng diyaryo. Mahal ang diyaryo rito sa Normous at pangarap kong magkaroon kahit iisa lamang.
Tinatanaw ko ang aking anak na masayang nagdidilig sa aming hardin. Ang laki ng ngiti nito at halata sa kanyang mga kinikilos na sobrang saya nito. Parang wala siyang pinoproblema o di kaya walang problema. Nakakatunaw ng puso ang sayang mayroon siya.
“Ahh! Tama na po pakiusap. Baron! Pakiusap tama na po! Baron! Pakiusaap! Magbabayad din po ako—pakiusap!” sumigaw ang isang lalaki sa 'di kalayuan. Siya ay nilalatigo ng mga guwardiya ng Baron. Punit-punit ang damit nito at dinudugo dahil sa paglalatigo. Nakakaawa ngunit wala akong magawa dahil tulad ng dati, ako'y nangangamba sa kaligtasan ng anak.
“Ina!” sigaw ni Maze. Agad itong tumakbo papalapit sa akin nang makita ang nangyayari. Ito'y natatakot kata niyakap ko ito ng napakahigpit upang hindi niya makita ang nasa aming harapan.
“Ilang beses ka nang nangako na magbabayad ng upa ngunit binigo mo na naman ang Baron! Nararapat lamang sa iyo iyan!” asik ng trethovia. Palit-ulit nagmakaawa ang lalaki ngunit hindi ito tumatalab sa Baron bagkus pinagpatuloy ang paglalatigo rito.
“Vepro ca! Hindi sapat ang paglalatigo sa kanya. Sunugin ang kanyang tahanan. Maiiwan ang naiwan sa loob. Bagay man o hayop o maging mga tao, buhay man o patay,” seryosong wika ng Baron na ikinagulat ng lahat. Hindi na talaga sila patas!
Kumalas sa pagkayakap si Maze sa akin at sinubukang tumakbo ngunit agad ko ring itong nahuli. “Anong sa tingin mo ang ginagawa mo, Maze?!” suway ko rito. Hinigpitan ko ang aking pagkakahawak sa kaniyang braso.
“Tutulungan ko sila, ina!” Nakikita ko ang galit sa kaniyang mga mata. Isang galit na hindi ko talaga magugustuhang maramdaman. Parehas sila ng kaniyang ama.
“Ngunit masyadong mapanganib, anak! Masasaktan ka't maaring mamatay!” Punong-puno ako ng pag-aalala para sa aking anak. Hindi ko na nagugustuhan ang kaniyang mga desisyon. Maaari naman siyang tumulong ngunit hindi sa delikadong sitwasyon. Mauunawaan niya rin ako, alam ko iyon.
“Mas gugustuhin kong mamatay na may pinaglalaban kaysa sa manahimik at ginagawa tayong sunod-sunuran, uto-uto, at madalas inaapi! Ina, huwag kayong padadala sa makulay na paraisong ito sapagkat ang lahat ng iyong nakikita, ina, ay hindi totoo.” Saka siya kumuha ng basang kumot at ibinalot sa kaniyang sarili. Tumakbo siya papalayo ngunit sa ibang dureksiyon. Ano ang pinaplano ng aking anak? Pero kahit ano pa iyon, nangangamba pa rin ako. Ayokong matulad siya sa kaniyang ama na ilang taon na naming hindi nakakasama. Hindi ko alam kung ano ang aking magagawa sa oras na may manakit sa aking anak.
Ilang minuto ang lumipas, hindi ko na siya nakita. Hindi ko rin alam kung nasaan siya. Ako'y puno ng pag-aalala. Hindi ko na alam. Hinding-hindi ko na alam. Natatakot ako na baka maulit ang nangyari noon. Mangyari sa kaniya ang nangyari kay Vishton.
Nakarinig ako ng mga komento mula sa mga dayo, ang aking mga kasamahan at hindi tumitingin kay Maze. Sila ay pumipikit at umiiwas nang tingin na para bang alam na nila kung ako ang mangyayari. Tumingin ako sa nagkomento, napakaelegante ng kaniyang suot. Wari ko'y isa siyang nakatataas dahil sa suot-suot niya, siga nga lang kumilos kahit na babae ito.
Pumunta ako sa lugar kung saan nagkakagulo sila. Nanlaki ang aking mga mata sa nakita. Si Maze ay nasa sentro, nakataklob ang kumot dito at may buhat-buhat na sanggol. Nanginginig siya habang tumitingin sa mga taong nakatingin sa kaniya. Ito'y hingal na hingal at mukhang mayroong hinahanap. Nakaligtas siya at may nailigtas pa ito.
Hangang-hanga ako sa aking anak dahil nagawa niyang magpakabayani at maging matapang. Hindi tulad ko na tanging pangangamba lamang ang iniisip. Inaamin ko, isa akong duwag. Nadala na ako sa nangyari kay Vishton, hindi ko kakayaning mawalay pa sa piling ng aking anak.
“Pakielamera!” saad ng Baron akma na sana niyang lalatiguhin si Maze nang mayroong pumigil dito.
Nasulyapan ko ang isang lalaki na pumigil sa baron. Ito'y matipuno at medyo may katandaan. Maaaring kasing-edad ko lamang siya. “Vepro ca! Baron, sumosobra ka na!” Hindi ko mawari kung sino ang lalaking ito. Gayunpaman, ako'y nagpapasalamat sa kaniya dahil iniligtas niya ang aking anak.
“H-heneral?!” Nanlaki ang mga mata ng baron. Agad itong lumuhod at ang kaniyang mga lingkod sa tinatawag nilang heneral bilang pagbibigay galang. Ito'y nanginginig at umiiwas ng tingin.
“Masasaktan mo ang bata at bilang parusa, ikaw naman ang lalatiguhin ng aking mga guwardiya,” kalmado niyang wika. Malamig niyang tiningnan ang baron, base sa aking nakikita. Nanindig ang aking mga balahibo dahil doon. Ang boses ng heneral ay pamilyar ngunit hindi ko makilala dahil malayo ito.
Itutuloy . . .
Sybil Park“H-heneral, patawad! Patawad! Nadala lamang ako sa aking damdamin! Kung maaari nawa ay ako'y inyong patawarin!” Ngayon lamang nakita ng mga tao rito na nagmakaawa ang Baron dahil kadalasan ay kami ang nagmamakaawa sa kaniya.“Kung hihingi ka ng tawad dapat alam mong pinagsisihan mo na. Pero mukhang hindi, at dahil diyan dadagdagan ko ang iyong parusa, ibabalik mo ang mga perang kinuha mo sa kanila at ipapaayos ang pinasunog mong tahanan. Naintindihan mo?!” Kaniyang hinablot ang buhok ng baron at iningudngod ito sa lupa.“O-opo, Heneral. Masusunod,” nanginginig na aniya. Kung ang baron ay takot na, malamang takot na rin ang kanyang mga lingkod. At dahil sa takot, nanginginig silang tumayo sa pagkakaluhod at sabay-sabay na dumeretso sa kanilang mga kabayo.Hindi na ako nag-aksaya ng panahon bagkus ay lumapit na ako sa aking anak na ngayon ay pinagkakaguluhan ng madla. Maraming papuri ang natanggap nito ngunit s
Sybil ParkSiguro ay kailangan ko nang magtiwala sa aking anak. Mayroon itong mga pangarap o naisin sa buhay na siyang makakatulong sa kaniya upang magpatuloy sa kaniyang tinatahak. Ako'y magtitiwala na. Hihilingin ko na sana ay magtagumpay ito sa paglalakbay kahit na matagal pa naman iyon. Alam kong pagkatapos nito ay mamumuhay na kami nang payapa. Maaari nang bumalik sa amin si Vishton.“S-salamat po, Heneral! Ang ibig ko pong sabihin ay vashda, Heneral! Hebeias vashda, Heneral!” Nanlaki ang aking mga mata nang sabihin niya ang salitang Hebeias vashda na ang ibig sabihin ay 'maraming salamat'. Salamat lamang ang aking itinuro—saan naman niya nakuha ang salitang iyon?“Saan mo naman natutunan ang hebeias vashda, aking anak?” Lumapit ako kay Maze at inobserbahan siya.“Aking naririnig sa mga mamamayan ng Xida Palacios ang salitang hebeias vashda. Aking nalaman sa inyo ina na ang vashda ay salamat. Kaya napagtanto ko na
Sybil Park Bigla ko na lamang naalala na si Maze ay aalis sa aking piling upang maglakbay. Kinakabahan ako para sa kaniya dahil baka hindi ko na muling makita ang mga ngiti niya pagbalik dito. Akin na lamang hihilingin na sana ay maging ligtas siya at sa kaniyang pagbalik ay mamumuhay kami nang payapa. Ayos lamang sa akin kung hindi siya ang napiling Death Judge. Ang importante ay makabalik siya sa aking piling. “Halina kayo at ipapakita ko sa inyo ang inyong mga kwarto. Sigurado akong magugustuhan n`yo iyon.” Ang heneral ay ngumiti. “Dito muna kayo mananatili pansamantala habang ginagawa pa ang maliit n`yong palasyo.” Tinapos namin ang hinanda niyang mga pagkain at saka kami naglibot sa kaniyang palasyo. Masasabi kong ito'y maganda at maayos ang pagkakagawa. Sa tingin ko'y walang bagyo na makakasira rito. Hindi imposibleng magkaroon ng ganito si Cladius sapagkat simula pagkabata ay marangya na ang kaniyang buhay. “Sybil, narito ang
Sybil Park “Ina, sigurado ka bang pupunta tayo sa mga mananahi?” Hinawakan niya ang aking suot-suot na damit habang nakatingin sa akin. “Oo, Maze. Nang sa gayon ay malaman mo ang mga dapat gawin sa pagbuburda kahit sa simpleng paraan lamang.” Aking inilapag ang mangkok sa aming harapan upang magsimula nang kumain. Hihintayin na lamang namin ang mga tagapaglingkod para sa pagkain. Nilagyan na ng mga tagapaglingkod ang aming mga mangkok. Inihanda na rin nila ang aming mga baso at nilagyan ng katas ng dalandan. Isang masarap na ramen ang aking nalalasap. Sabik na sabik na kumain ngunit parang mas sabik ang dalawa ko pang mga kasama. Mga matatakaw. Sumubo agad ng isang sipit ng intsik ng ramen ang heneral. Kung kumain ito, para bang hindi siya nakakain ng ilang taon. Tuloy tuloy ang kaniyang pagsubo at paghigop hanggang sa kumuha siya ng panibagong ramen na kakainin. Sumulyap ako sa aking anak. Simple lamang kumain pero puno ang kaniya
Sybil ParkTiningnan niya ang kaniyang mga kuko. “Nakita kong dala-dala niya ang isang mangkok. Itoʼy kaniyang ininom. Hindi ito agad umalis sa kinaroroonan niya, ngunit patuloy ko siyang pinanood—umaasang siya ang makikipaglaro sa akin. Mayaʼt maya ay sumuka ito. Ako ay lumapit sa kaniya upang tulungan ito at saka ko na lamang nabalitaan na itoʼy loquat . . . ” Tumingin siya kay Leonardo. “Nang kami ay naghahapunan ay binigyan mo ang heneral ng loquat na sinasabi mo.”Bumuntonghininga ako. Mas hindi ako makapaniwala dahil hindi man lang siya nagpaalam sa akin na siyaʼy maglalaro!“Ngayon, sabihin mo sa amin. Bakit mo balak lasunin ang heneral?” Bakas na ang panggigigil sa boses ni Maze ngunit wala pa ring epekto kay Leonardo. Hindi ito nagsalita pero nakangisi.“Paano kung hindi ko sabihin?” Lumapit siya kay Maze at pinantayan ito. Siyaʼy ngumisi nang nakakaloko, sinusubukang takutin ang aking a
Sybil Park Isa lamang itong parte ng taktika ng Fuji. Tanging kaming tatlo lamang ang nakakaalam sa taktika ng Fuji. Ang taktika ay epektibo lalo na't umuulan ng niyebe o sa madaling salita, taglamig ngayon. Hindi nahahalata ang patibong dahil natabunan ito ng niyebe. Agad na dumating ang mga Imperïal Guard na ngayon ay hingal na hingal na at parang inulanan ng pawis kung sila ay titingnan. “Ginoo, ang magnanakaw na inyo pong hinahabol ay naririto sa baba. Maaari namin kayong tulungan upang siya'y maiangat at mabigyan ng parusa,” taimtim kong sinabi Hinayaan na lamang kami ng mga guwardiya na tumulong dahil halata naman na sila'y pagod na. Naiangat na ang lalaki nang dumating ang eunuch. Saktong sakto lamang ang pagdating nito. Sumulyap ako kay Cladius at nakitang nag-aayos siya ng sarili. Simula sa damit, buhok, at pagmumukha. Si Vishton naman ay kalmado lamang. Pormal kung pumustura at tuwid kung tumayo. Ako naman ay normal lamang. N
Sybil Park“Kakain na! Paunahan sa kubo!” kumaripas ng takbo si Cladius at ganoon na rin si Vishton. Hindi na ako tumakbo at baka ako'y madapa.“Hoy! Bilisan mo, Sybil! Dahil ang mahuhuli ay manglilibre ng ramen!” wala na akong ibang magawa kundi ang tumakbo. Ayaw ko pa namang manglibre at isa pa, wala akong dalang pera.“Oo, naalala ko pa . . . ” humihina ang aking boses. Nakangiti at nakatingin sa kawalan. Gusto kong bumalik sa mga pagkakataong iyon. “ . . . pati ang taktika ng Fuji ay naalala ko pa. Ang dami nating kalokohan sa ating kabataan.”“Haha. Aking inaalala lamang, Sybil, naaandon pa kaya ang ating mga kagamitan para sa taktika ng Fuji?” tanong ni Heneral.“Hindi ko alam. Maaaring naandoon pa. Sa tagal ba naman ng panahong hindi natin iyon nagamit. Baka nga ay nakuha na iyon ng mga bata.”“Kung gayon ay hahanapin ko iyon at ipamamana ko sa i
Sybil ParkNapahilamos na lamang ng mukha si Shin. “I'm . . . I'm . . . I'm the map, I'm the map! She—aray! Sino bang bumatok sa . . . a . . . kin Hehe, ikaw pala, Ate. Hehe. Sorry. Ehe.” Napangiti ako sa kaniyang mga kinilos. Ibang-iba ito sa kilos ng mga taga-Normous. Masasabi kong siya ay dayo lamang dito dahil sa kaniyang mga kilos at pananalita.“Tsk, badtrip!” Lumingon ako sa pinanggalingan ng boses. Siya`yong babaeng dinala ng prinsipeng tagapagmana sa kung saan man.“`Yang bibig mo. Doon na nga tayo. Nakakahiya naman.” Pinanood ko silang maglakad papalayo at aking pinagmasdan ang heneral. Nanlaki ang kaniyang mga mata at gulat na gulat sa isang dahilan na hindi ko alam.Muli kong pinagmasdan ang aking anak na kumain. Nakangiti ito at puno ang bibig. Nakikipagharutan pa ito sa tiyo niyang heneral.Aking inisip, paano kung naandito si Vishton, ang aking asawa—Masaya ba? O