Chapter 27 Farah's Discovery

Farah’s POV

Nagising akong makirot ang sentido kaya kinailangan kong pumikit muli upang baka sakali ay mabawasan ang sakit. Ngunit walang pagbabago sa nararamdaman ko kaya muli kong idinilat ang mga mata. Para akong binuhusan ng malamig na tubig nang maalala ang mga pangyayari kagabi. Mula sa paglabas ko sa gate ng subdivision hanggang sa pagdating ng mga ‘di kilalang lalaking kumuha sa akin. Napaupo ako sa kamang kinahihigaan ko saka kinapa ang sarili. Maliban sa masakit ang ulo ko ay wala naman akong kakaibang nararamdaman. Sinalat ko ang bulsa ng pantalon sa pagbabakasaling naroroon ang cellphone ko, ngunit bigo ako. Binaha ng matinding takot ang dibdib ko nang makitang nasa isang silid ako. Sino ang mga dumukot sa akin at ano’ng kailangan nila sa akin?

Napasinghap ako nang biglang pumasok doon ang lalaking nakamaskara. Kasunod nito ang tatlong lalaking may nakasukbit na baril sa baywang. Sinagilihan ako lalo ng takot at napaatras nang lumakad sila papalapit sa akin. Nagtataka lang