Chapter 9 - The Second Mission: Make Her His Miss Right

Walang imik at diretso na lumabas ng bahay papunta sa garahe si Zane. Isang linggo na muli ang nakakaraan simula nang malipat siya sa kabilang team, sa team ng anak ni Manolo na si Serenity Enriquez, pero sa loob ng isang linggo na iyon ay hindi niya nakita o nakasalamuha man lamang ang heredera ng EMG, at sa totoo lamang ay hindi niya alam kung ikakatuwa ba niya iyon o lubha niya na ika-iinis.

Sadya yata na hindi siya inaayunan ng pagkakataon dahil kung kailan naman na desidido na siya na makipaglapit sa babae ay roon naman na hindi niya iyon makita at bigla na lamang na hindi nagpaparamdam. At mas lalo lamang ang inis niya dahil imbis na mapadali ang trabaho nila ay lalo pa na napapatagal ang misyon nila. Nauubusan na yata sila ng mga paraan para maisakatuparan ang mga balak nila.

Kung hindi lamang din na wala sa bokabularyo niya ang sumusuko sa laban ay matagal na niya talaga na nais na sumuko. Lagi na lamang na nagkakaletse-letse ang mga plano nila at ang lahat ng iyon ay bunso