Chapter 31

HINDI na nagulat si Hannah nang makita niya si Maricar na nakadulog na sa hapag kainan. Inaasahan na niya iyon kahit hindi man iyon nabanggit ni Duwayne sa kanya. Sabagay, sino ba siya para ipaalam pa sa kanya ng binata na mananatili din sa hacienda ang dating nobya nito. Isa pa nakikitira lang din naman siya sa hacienda.

"Hi!" Bati sa kanya ni Maricar. Ngumiti pa ito sa kanya na sa tingin niya ay nang-uuyam. Nakaupo na ito sa isang silya na malimit upuan ni Duwayne. 

"Hi!" ganti niyang bati at ngumiting pilit. Binati din niya ang Senyora na inaasikaso naman ni Aling Lilia. "Magandang gabi po La,"

"Maupo kana iha." Anang Senyora. Tumango-tango naman siya. 

Humugot ng isang silya si Hannah, naupo siya sa katapat ni Maricar. Iniiwasan niyang mag tama ang paningin nilang dalawa. Napapitlag pa siya sa gulat ng bigla niyang marinig ang boses ni Duwayne sa kanyang likuran. Hinugot nito ang katabi niyang silya at naupo ito.

Kinuha ni Duwayne ang kany