Chapter 34

MABILIS na pinigilan ni Duwayne sa magkabilang balikat ang dating nobya, nang akma siya nitong yayakapin. 

"Ah, ah!" pilyang nakangiti pa si Maricar, kahit na nga bahagya itong naitulak ni Duwayne. Inilambitin pa nito ang mga bisig sa leeg ng binata. "Salita mo lang ang nag sasabing wala ka ng nararamdaman para saakin, pero hindi ang katawan mo Duwayne." 

Binaklas naman ni Duwayne ang mga bisig ng dalaga. "Can you please, stop." 

Napapansin ni Duwayne ang mga taong nag lalakad sa gilid ng beach na napapalingon sa kanilang dalawa ni Maricar. 

"Stop, what?!" muling sinubukan ni Maricar na ilambitin ang mga bisig nito sa leeg ni Duwayne, pero naging maagap na ang binata. 

"This!" pigil ang sariling tumaas ang tono ng boses na sagot ni Duwayne. Binitiwan niya ang mga kamay ng dating nobya. 

"This?" ulit ni Maricar sa sinabi niya. "Mali ba na iparamdam saiyo na mahal pa din kita?" 

Napabuga ng hangin si Duwayne.