Chapter 17

"HOY, may problema ba?" ang agad na bungad ni Keith nang makitang namumugto ang mga mata ni Helaena, tila nag-aalala sa nangyari.

"What started to be a lovely night had suddenly turned into a nightmare, Keith," she confided. "Hanggang ngayon nga ay iniisip ko pa rin kung paanong nangyari 'yon. Na-misunderstood niya 'yong mga sinabi ko. He suddenly got so angry. Tapos bigla na lang siyang umalis na hindi man lang pinakinggan ang paliwanag ko. Parang biglang bumaligtad lahat. Ang saya naging lungkot, at parang ang gaan-gaan lang, biglang nagiging bigat. Pakiramdam ko tuloy, bawat salita'y dapat iniisip ng mabuti, para hindi magdulot ng gulo."

"Gano'n talaga kapag lovers' fit. Normal lang 'yan."

"Tinawagan ko na nga siya sa bahay nila kagabi para makapag-explain ako sa kanya at para na rin humingi ng paumanhin pero hindi niya man lang ako kinausap." She controlled her sobs. Magdamag halos na hindi siya nakatulog dahil sa kaiisip kay David. "Nakakapagod na rin, Keith. Parang gusto ko nang