Chapter 10

Alas syete ng gabi, oras ng paguwi ng ina ni Clover. Nitong nakaraang Linggo ay hindi na sila nakakapag-usap ng matagal dahil naging busy na rin siya kaka-cellphone. Gusto niya kahit ngayon gabi lang ay makapag-usap man lang sila, pakiramdam niya ang layo na nila sa isa't-isa.

Halos kinse minutos din siyang naghintay bago dumating ito na may bitbit na isang itim na bag kung saan nakalagay ang mga gamit nitong pang-opisina. Sinalubong niya agad ito ng isang halik sa pisnge.

"Magandang gabi, ma," bati niya.

"Magandang gabi rin, Cece. Kumain ka na ba?" tanong nito habang hinahawakan ang kaniyang leeg.

"Hindi pa ma, hinihintay kita." Kinuha niya ang bag sa ina at binigay naman agad nito.

"Dati-rati naman, nauuna kang kumain diba?" kunot-noong tanong nito.

"E, wala nga kasi akong gana kapag walang kasama," sagot niya.

Ramdam n