Chapter 19

Tulala si Clover habang nakatingin sa bintana ng kaniyang kwarto. Gustong-gusto niya ng sagutin si Percy pero ayaw niyang isipin nito na easy-to-get siyang babae.

"Aish! Sasagutin ko na ba o hindi?" tanong niya sa sarili.

"Hindi ka sasagutin niyang bintana," salita ng tao sa likuran niya. Napabalikwas siya ng makita si Tashia na pasimpleng nakaupo sa kama niya.

"Gusto mo bang mamatay ako sa takot?!" bulyaw niya.

"Kung pwede lang sanang pumatay ng tao gamit ang pananakot, marami na akong napatay, isa ka na do'n," sabi nito habang nakatitig sa kaniyang kuku sa kamay na may kulay pula.

"Ba't ba ang harsh mo?" Pumunta siya sa harap nito at nagpamewang.

"Hindi harsh ang tawag diyan," sagot nito.

"Aish! Bakit ka ba nandito?" inis na umupo siya sa tabi nito.

"Umalis si mama, bored ako," wika nito.