Chapter 111: Kakaibang Ligaya

Lumuwang na ang pagkakakuyom ko sa kamao. Tukuyan na akong nagpasakop sa makamundong espirito at walang palag na patuloy nagpaubaya. Tinugunan ko ang mga halik niya. Pinantayan ko ang pananabik na knayang ipinapakita. Mas lalo pa siya doong ginanahan na para bang naging go signal niya ang ginawa kong mga pagtugon. Masuyong humaplos ang palas niya sa likod ko, umakyat iyon sa aking leeg upang mas lalo pa siyang magkaroon ng access sa labi ko. Idiniin ko ang sarili ko sa kanya na nagsimula ng mainitan. Hinayaan lang ang sariling tangayin ng agos ng kuryente na hindi ko maipaliwanag kung kanino sa katawan namin nagmula. Sa akin o sa kanya?

"C-Chaeus..." malat na ang boses na tawag ko sa pangalan niya, umungol lang siya nang mahina.

"Bakit?" tugon niya sa boses na kakaiba, parang nang-aakit na ang tunog nito sa aking tainga.

Lumalim pa ang halikan namin na lalo pang nagpadarang ng uhaw naming katawan. Natigil lang iyon nang marinig ang munting tinig ni Zaria.

"M-Mama? Papa?"

Sabay namin