Nakita ko ang unti-unting panlilisik ng mata ng matanda. Bagay na ikaatras ko. Pero huli na nang mahigpit na ako nitong hinawakan sa magkabila kong balikat.
"Naniniwala ka na kaya pang maibalik ang lahat sa normal? Ang isang kagaya mong mortal ay naisip ang bagay na iyon?" Giit nitong usig sa akin. Pero pinagpatuloy ko ang aking sinasabi. Nanatili ako sa aking paninindigan."Oo! Naniniwala ako! Naniniwala akong makakaya nating ibalik ang lahat kung magkakaroon tayo ng pagkakataong maipaintindi sa magkabilang panig ang katotohanan. Para wala nang madamay na inusenteng buhay! Para maging mapayapa na ang lahat! Gusto kong tapusin ang gulong mayroon sa dalawang mundo! At magagawa lang natin iyon kung magagapi natin ang mga halimaw na nakalathala sa mga aklat! Sa mga halimaw na naging mitsa para magsimula ang kaguluhan ng lahat!" giit ko na agad nitong ikinabitaw sa akin. Hinintay ko itong tumawa. Ngunit lumakad lang ito pabalik sa kanyang kinauupuan at ilang segundong natahimik. Masyado akong nadala ng ambisyon ko. Pero wala akong pinagsisisihan sa mga lumabas sa bibig ko. Tunuktok ni Egor ang dulo ng kanyang puting tungkod sa sahig. "Sapat na ang mga narinig ko upang mapatunayan niyo ang inyong sarili sa akin." Gumawa iyon ng may kalakasang ingay, at kitang-kita ko ang puting pag-ilaw ng sahig na ani mo'y isang alon na nagmumula sa tungkod nito. "Morriban Gravesend lumapit ka sa akin." Tuluyan itong tumayo at kinuha ang pinakamaliit na kahong nakapatong sa lamesa. Hindi ko alam kung saan iyon nanggaling, dahil alam kong wala iyon doon kanina. Napakaganda ng maliit na kahong kinuha ni Egor. Gawa ito sa tila balat ng matandang punong kahoy na pinalamumutian ng iba't-ibang kulay ng hiyas na kumikinang-kinang dahil sa ilaw. Kinuha nito sa loob ang isang singsing at maingat na inilagay sa kanyang mga palad. Kasabay niyon ay ang pagtigil ni Morriban sa harapan niya. Taas noo pa rin at bakas na sa kanyang mga mata ang kasiyahan. "Nakita ko ang pagkislap ng iyong mga matang mapagpursige sa iyong mga ipinangako. Isang simbulong hindi ko dapat palampasin. Nawa'y mapasaya ka ng iyong desisyon upang magsilbi itong motibasyon mo sa iyong tagumpay." Ngiti ng matanda. "Pagpalain nawa ng mahal na panginoon ang iyong tapat na puso. Panalangin ko na mapagtibay mo pa nang husto ang iyong sarili sa mga pagsubok na iyong kahaharapin. " Dugtong nito at inabot ang sing-sing nitong tangan. Inilapag niya iyon sa mga palad ni Morriban na sa kauna-unahang pagkakatao'y nakakitaan ko ng mga ngiti. Simple ang ngiting iyon, pero may taglay itong kagaanan na hindi ko maalisan ng mga mata ko. Para bang nahawa ako sa kasiyahan nito."Sootin mo lamang ang talisman kapag sinabi ko na." Paalala pa nito bago humarap sa akin.
"Hagan Agustino, halika rito." Sa pagkakataong ito'y isang may kalakihang kahon ang binuksan ng matanda. Katulad ng kay Morriban ay may kumikinang ring bato ang kahon, ngunit puti lang ang mga batong iyon. Bumungad sa akin ang isang simpleng bracelet na inilagay ng matanda sa kanyang palad katulad kanina. Itsura itong lubid na ang katawan ay may berdeng mga batong nakadikit. Inilahad ko ang dalawang palad ko sa matanda. Pero ikinagulat ko ang malungkot nitong ngiti sa akin."Pinahanga mo ako sa iyong pinakitang pagtitiwala sa aming mga nilalang ng Gaia. Hindi ko inaasahan na sa isang mortal ko maririnig ang hangaring pinangarap naming mga matatandang nilalang ng mundong ito. Kaya naman lubos na iyon upang pagkatiwalaan ka at magalak sa pagpaparito mo sa aming mundo. Nawa'y kasiyahan ka ng dakilang Panginoon sa iyong hangarin. Panalangin ko ang iyong kaligtasan at gabay na nagmumula sa kanya, na sa gayo'y maabot mo ang iyong mithiin." Tuluyan nitong bigay sa bracelet na maigi kong tinitigan.
Hindi pangkaraniwang saya ang naramdaman ko nang mapasakamay ko ito. Tila ba isa itong parangal, na ngayon ko lang naranasan sa buong buhay ko. At dahil iyon lahat sa aking pagpapakatotoo. Ilang sandali pa'y naagaw ng pagtuktok muli ni Egor sa kanyang tungkod ang atensyon namin ni Morriban. "Iginagawad ko sa inyo ang mga talismang magbibigay anyo sa inyo bilang mga Elves. Isang nilalang na tagapangalaga ng kalikasan. Mga bukod-tanging nilalang na naninirahan sa Dasos. Ngayo'y maari niyo nang sootin ang inyong mga talisman." Talisman. Ito ang tawag dito. Sa pagkasabik ay mabilis ko itong ikinabit sa aking pulsuhan. At isang berdeng liwanag ang sumilaw sa akin matapos niyon. Bagay na napakaliwanag, hanggang sa hindi ko na namalayan pa ang nangyari sa akin.* * * *
Isang nakasisilaw na berdeng liwanag ang bumalot sa buong katawan ng dalagang si Morriban at binatang si Hagan. Nanggagaling ito sa Talisman na unti-unting bumabaon sa kanilang mga balat. Hindi nagtagal ay bumagsak na ang dalawa sa sahig at nawalan ng malay. "Maraming salamat sa pagtanggap sa kanila Egor. Masaya akong pinagbigyan mo ang aming kahilingan bilang mga Diyos," yukong pasasalamat ni Lord Nelson dito. Pero nanatili lang na nakatitig ang matanda sa dalawang nilalang na nakabulagta sa sahig. Ang mga kristal na lamang ng mga talisman ang kita sa palasingsingan ni Morriban, at pulsuhan ni Dirt. "Walang anuman, Lord Nelson. Isang karangalan." Sagot ng matanda nang hindi tumitingin."Maaari mo na sila ngayong dalhin sa Dasos, Lord Nelson. May naghihintay na sa'yo sa tarangkahan ng kaharian. Alam na nila ang gagawin.."
Nang sabihin iyon ng matanda'y agad na may pumasok na dalawang naglalakihang trolls ng palasyo ang pumasok sa silid. Walang ano-ano nilang binuhat ang dalawa sa kanilang mga bisig at sinundan si Lord Nelson papalabas. "Maraming salamat muli, Egor." Buong ngiti nito bago umalis. Sa pagsarado ng pinto'y tila nanghihinang napaupo si Egor sa kanyang silya. Bakas ang hindi mawaring lungkot sa kanyang mukha. "Isang pambihirang Mortal. Hindi ba, Egor?" Tuluyang lipad ng isang dangkal na binatang lalaki sa harapan ng matanda. Galing ito sa kasootan ng matanda, na kanina pa nakikinig sa lahat nang nangyayari. May itim itong mga pakpak, itim na guhit sa ilalim ng mga mata at may maputlang kulay ng balat. Hindi katulad ng mga natural na Fairy, ang inilalabas na kislap ng kanyang pakpak ay makintab na kulay itim rin. "Oo, Kassim. Isang pambihirang mortal." Pagtutukoy at pagsangayon ng matanda sa binatang si Hagan. Humarap si Kassim sa pintuang nilabasan ng Mortal. "Pero anong mayroon sa marka niya sa leeg, Egor? Bakit mo tinusok iyon? Isa ba iyong espesyal na uri ng talisman?" Pangungulit pang tanong nito, ngunit inilingan lang siya ng matanda. "Hindi, wala iyon Kassim. Isa lang iyong normal na balat." Kalmadong sagot ng matanda kahit na tila mas bumigat pa ang pakiramdam. "Pero akalain mong kuhang-kuha niya ang misyon na ninais mo noong kabataan mo pa? Ang maging isang bayaning makapagbubuklod ng dalawang mundo. Pero sa huli'y ikaw pa ang napagkamalang taga-paslang ng mga mortal na kahit kaila'y hindi mo naman ginusto." Pambubuyo ng binatang si Kassim sa matanda na hindi lang inimikan nito. Nang maramdaman niyang wala na siyang balak sagutin ni Egor ay umupo na ito sa balikat nito. Hinaplos-haplos ang mga maliliit na sangang nandoon at tinapik-tapik, bilang simpatya sa matanda. "Nawa'y sa pagkakataong ito'y maging tama na ang lahat, Kassim. Nawa'y maisakatuparan nga ng mortal na iyon ang kanyang sinabi. Nawa'y isa ngang mortal ang magbuklod sa dalawang mundo." Buong pag-asang bulong ng matanda na malungkot na ikinangiti ni Kassim. "Sana nga, Egor. Sana nga. " Ngiti nito habang inaalala kung gaano kadeterminado at katotoo ang mga pagkislap ng mata ng binatang nagngangalang Hagan Agustino.Hi Hooman! Finally! Ang susunod na kabanata ay gaganapin na sa Dasos Kingdom! Are you ready to meet the resident of Dasos? Feel free to leave your comment here! Would love reading your thoughts! ~Miss Eli
Hagan Point of View "Ano bang nagawa ko! Bakit niyo ba ako pinapahirapan nang ganito?" buong paghihinagpis na sigaw ng isang lalakeng hindi pamilyar sa akin. Kasing dilim ng kalangitang pinagkaitan ng mga btuin ang buhok nito. May malalalim na mga mata, at marungis na panganagatawang sinasamahan ng lasog-lasog nitong damit. Sa harap nito'y nakatayo ang apat na nilalang ang mga paa'y nakalutang sa hangin. Nakatalikod ang mga ito sa akin. Ngunit sapat na ito para makita ang iba't-ibang liwanag na mayroon sa apat na nilalang na ito. Mga liwanag na animo'y mga apoy na hindi nakakasunog. Isang asul, sang puti, isang pula, at isang berdeng liwanag na akala mo'y nanggagaling rin sa kanilang mga kapa. Sinubukan kong lumakad sa kinaroroonan ng mga ito para sana makita kung sino sila. Ngunit nang tatangkain ko na'y hindi ko man lang mai-galaw ang mga paa ko. Anong nangyayari? Nasaan ako? Sino siya? Sino sila?
Tulalang nakababa ang binatang si Hagan sa karwahe. Manghang-mangha ito sa kanyang mga nakikita. Tila nalulula at hindi makapaniwala na nasa kanya nang harapan ang Dasos na nabasa niya lamang sa librong kanyang pinagaaralan sa aklatan ng mga Gravesend. Naghahawig ang kaharian ng Dasos sa baryong kinalakihan ni Hagan. Simple itong binubuo ng mga kabahayang gawa sa kamalig. May mga bahay na gawa sa pinagdikit-dikit na kawayan, may iba namang gawa sa sawali, at may bahay ring gawa sa pinatigas na putik. Iba-iba ang laki ng mga sambahayan batay sa kung anong klaseng nilalang ang nakatira rito. Ngunit pumapangibabaw sa lahat ang matayog na palasyong ang lokasyo'y nasa pinakasentro ng kaharian. "A-ako nga pala si A-Alek. A-ako ang napag-utusan ni Egor p-para kayo'y ihatid sa Sentral." Pansin ni Hagan ang panginginig ng nilalang na sumundo sa kanila. Bagay na agad nitong nginitian para maging komportable ito na hindi lang na
"Hagan?" Napakurap ako nang magsalita muli si Alek. Kita ko ang pagkabahala sa kanyang mga mata. Bagay na mabilis kong iniwasan at nilagpasan lamang ito ng tingin. Tinanaw ko si Morriban at mabilis itong nilapitan. Magkasalubong ang mga kilay nito, ngunit wala ko pa rin itong pasabing hinawakan sa magkabila niyang balikat. Buong alala itong sinipat hanggang ulo hanggang kanyang paa. "Ayos ka lang?" Binitawan ko ito't sinipat maging ang kanyang likuran. Hindi ako maaring magkamali. Gusto siyang siluin ng leon na iyon kanina. Ngunit imbis sa sagutin ako'y marahas lang nitong hinawi ang mga kamay ko. "Ano bang problema mo?" Galit ito at may matalas na mga tingin. Saka lang ako nabalik sa realidad. Oo nga, Hagan? Ano ba talagang problema mo? Hindi ba't kaaway ang tingin sa iyo ng babaeng ito? O dahil nalalapit lang talaga ang paguugali ni Morriban kay Ate Soledad? &n
Naningkit ang mga mata ng matandang si Egor nang mapansin ang komosyong nagaganap sa malapit sa tarangkahan. Kahit ilang daang taon na ang tanda nito ay malayo pa rin ang nararating ng kanyang mga paningin. Bagay na hindi katakha-takha dahil isa siyang Ent. Nabangga ng Guardian na si Soul ang binatang si Hagan kanina pa hinihintay ng matanda. Ngunit ang mas ikinatakha nito ay ang nakita niyang pagbabago sa reaksyon ng dalagang si Soul. Bagay na hindi normal para rito. Dahil kilala ang dalagang ito sa walang emosyong mga mata at pagkawala nitong damdamin. "Nariyan na pala ang hinihintay mong panauhin." ani ng maliit na itim na Fairy na si Kasim na nakaupo sa kanyang balikat. "Bumagay sa kanya ang kanyang anyo ngayon." Komento pa nito habang kinakain ang isang maliit na prutas galing sa hapagkainan sa Sentral na nakahatin sa apat na sulok ng lugar. Ngunit nanatiling hindi sumasagot ang matanda.
Pansin ko ang pagtahimik at pagkabigla ng lahat sa huling anunsyo ni Egor. Sabay-sabay ang mga itong napatingin kay Alek na akala mo’y may nagawa itong mali. Anong meron?“Siya na naman? Sigurado ba si Egor sa tinutukoy niya?” buong dismayang singhal ng isa sa kambal na lobo, ilang pagitan lamang ang layo nito sa kinapwe-pwestuhan ko.“I don’t see any problem with that.” Napakunot naman ako agad ng noo ko sa lakas ng boses na iyon ni Morriban. Ikinailing ko na lamang iyon.Pambihira. Hindi ba talaga mapipigilan ng isang ito ang pagsasabi ng opinyon niya? “Tama ang babaeng elf, Tyree. Ano naman nga kung makakasama ulit si Alek sa mga hinirang? Hindi ba’t mas maganda nga iyon at nabigyan siya ulit ng pagkakataong patunayan ang sarili sa Akademia?” sabat naman ng isa sa mga Orc na may
"May hirarkiya ang estudyente sa loob ng Akademia. Ang mga nilalang na nagmamay-ari ng kapang puti at pula ang pinakamatataas. Samantalang ang mga itim naman ang pinakamabababa."Kulay ang depinisyon ng hirarkiya sa Akademia?"Ang Dasos ay kabilang sa mga nilalang na may itim na kapa. Ang ibig sabihin ng itim sa mga estudyante ng Akademia ay mga alipin, talunan, at walang ambag o magagawa sa Akademia." Napatigil ako sa sinabi nito."Alipin?" kunot-noo kong bulalas.Tss Hanggang dito ba naman?"Oo, mga alipin. Saksi ako sa miserableng buhay ng mga nilalang ng Dasos sa loob ng Akademia. Ako lang talaga ang minalas-malas dahil nakabangga ko ang magkapatid na tinitingala ng lahat." Mapait na ngiti ang sumilay sa labi ni Alek habang diretsong nakatingin sa kawalan. Kitang-kita ko ang trauma sa madilim nitong mata na ik
Hating gabi na nang maalimpungatan ako dahil sa paghapdi ng balat ko sa leeg. Humahapdi na naman ito sa hindi malamang dahilan. Nagsimula ito simula nang pumasok ako sa Gaia. Marahan akong umayos sa pagkakaupo mula sa pagkakahiga sa sofa. Hindi ako makatulog ng maayos sa silid na ibinigay sa amin kanina. Hindi ako mapakali sa mga laman ko mula kay Alek at sa mga bagay na maaring mangyari sa Akademia. Binabalak ko na sanang tumayo at maginat nang may marinig akong pagkaluskos saitaas ng hagdan. Bagay na agad kong ikinalerto. Isang paggalaw ang sumunod dito. Kaunti ko lamang itong naaninag dahil sa madilim ang buong paligid. Rinig ko pa ang paghilik mula sa dalawang kwarto sa itaas na boluntaryo naming iniwanan ng bukas. Pero
Masaya akong nakitanaw sa masigabong pagpapalam sa amin ng mga taga Dasos. Ilan kaming nanatiling nakatayo iwinagayway ang kamay sa kanila hanggang sa tuluyan na namin silang hindi makita. Nagpatuloy lang sa paglalakad ang pagong na si Grump na tila naman kabisadong kabisado ang daan patungong Akademia. Hanggang sa kumunot ang noo ko nang makita kong papalapit kami nang papalapit sa gubat na tinutukoy ni Alek kagabi na Enchanted Forest. “Teka tama ba ang dinadaanan natin?” takot na takot na tanong ni Dima sa likuran. Marahil ay mas natanaw niya ang patutunguhan ni Grump dahil sa kanyang katangharan. “Alin?” tanong naman sa kanya ng katabing si Dallo. “Ang Enchanted Forest. Natatanaw ko ang Enchanted Forest. Doon patungo ang pagong.” May takot sa mga salitang iyon ni Dima. Inasahan ko ang konpirmasyon ni Alek sa nakitang direksyon ni Dima. Ngunit agad itong nakatay