Kabanata 52: Weak

Morriban Point of View

Nakahinga ako nang maluwag nang gumana ang impormasyong nakalap ng Trolls na si Dima sa libro ng Plantea. Ang buong akala ko ay masasayang ang tiwalang iginawad ko sa kanya, para sa pagsubok na ito. Mabuti na lamang at tama ako ng aking naging desisyon. May magagawa rin palang mabuti ang pagsangayon sa iba’t-ibang kakayahan mayroon ang aking mga kagrupo.

Natuwa ako sa pagliwanag ng husto ng aking Dandelion. Ikinumpara ko ang liwanag ng akin kumpara sa iba kong kagrupo at talaga namang napangisi ako nang mapansin na ang sa akin ay ang pinakamaliwanag na Dandelion sa aking mga kagrupo. Pero hindi ang tagumpay ko ang nakapagpaagaw sa akin ng atensyon. Ito ay kung hindi ang halos mapupundi nang liwanag ng Dandelion na tangan-tangan ni Hagan.

What happen?

Ngunit nang mag sink in sa akin ang lahat ay napaikot na lamang ang aking mga mata. I look at him disapointed.

Psh, Oh ang akala ko ba gagalingan niya para matalo ako?